POP 5

Lajmet më të lexuara të 5 minutave të fundit

Sociale

Fondi 5 miliardë lekë/ Ish pronarët, 6 dokumentet që duhen për të përfituar kompensim

Zbardhet mënyra se si do bëhet ndarja me këste e fondit prej 5 miliardë lekësh. Kush do përfitojë të parët. Kushtet që duhen plotësuar sipas ATP-së

Fondi 5 miliardë lekë/ Ish pronarët, 6 dokumentet që duhen për të përfituar kompensim

Foto ilustruese

Pesë miliardë lekë është fondi që do të japë qeveria për kompensimin e ish pronarëve për vitin 2019. Ky fond sipas Ministrisë së Financave do të shpërndahet I gjithi për ish pronarët, të cilët do të marrin disa këste njëherësh. Bëhet fjalë për kompensimin monetar, që pritet ta marrin qindra ish pronarë të cilët plotësojnë kriteret.

Për të marrë këtë kompensim ish pronarët duhet të plotësojnë dosjet e tyre me disa dokumenta. Sipas Agjencisë së Trajtimi të Pronave, duhen 6 dokumente për të përfituar kompensimin. Të parët do të përfitojnë ata ish pronarët që kanë dorëzuar më herët dosjet dhe që nuk kanë mangësi në dokumentacion.


Dokumentat
Subjekti kërkues (subjekti përfitues/trashëgimtari ligjor/përfaqësuesi me prokurë), në momentin e plotësimit të kërkesës për kompensim, duhet të paraqesë dokumentacionin e mëposhtëm:

1.Kërkesën për kompensimin e pronës, sipas formatit tip, që i vihet në dispozicion nga ATP;

2.Dëshminë e trashëgimisë për të gjithë trashëgimtarët e ligjshëm të subjektit përfitues, sipas radhës së trashëgimtarëve, në përputhje me përcaktimet e Kodit Civil;

3.Prokurën e posaçme, të nënshkruar nga të gjithë subjektet që përfitojnë kompensim, ku si tagër i nevojshëm të jetë edhe e drejta për të tërhequr vlerën financiare, në emër të tyre. (Në rastet kur nuk është e mundur të dorëzohet prokura e posaçme, secili bashkëpronar apo një pjesë e tyre, paraqesin kërkesë individuale apo të përbashkët, për pjesën takuese në pronën që kompensohet. Në rastin e kërkesave individuale të secilit bashkëpronar apo të një pjese të tyre, për çdo kërkesë të kryer, paguhet tarifë shërbimi në vlerën 2 000 (dymijë) lekë, pavarësisht se i përket të njëjtës pasuri të paluajtshme);

4.Vërtetimin origjinal të lëshuar nga një bankë e nivelit të dytë për hapjen e llogarisë bankare në emër dhe për llogari të subjektit përfitues, ku përcaktohet edhe numri i llogarisë bankare (IBAN), ku do të transferohet vlera financiare e përfituar;

5.Fotokopjen e dokumentit të identifikimit;

6.Mandat pagesën, që vërteton pagimin e tarifës së shërbimit në vlerën 2 000 lekë. Subjektet përfituese, kërkesa e të cilëve nuk është pranuar për mungesë dokumentacioni gjatë procedurave të mëparshme, kanë të drejtë të riaplikojnë. Këto subjekte nuk paguajnë tarifë shërbimi, nëse provojnë pagimin e saj gjatë aplikimit të mëparshëm.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Mashtrimi i rradhes: 10/11/2018 08:50

    Keto smjaftojne as per 1/10 e shperblimit te nje pronari te vetem me dokumente te rregullta.....

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu