POP 5

Lajmet më të lexuara të 5 minutave të fundit

Politikë

Fondi vjetor i KQZ për partitë, PS merr pjesën më të madhe! 100 mln lekë shkojnë për PD, 3 marsi vendos nëse do i marrë Berisha apo Alibeaj

Komisioni Qendror i Zgjedhjeve e ka gati ndarjen e parave për 2023 për partitë politike. PS, si forca me numrin më të madh të votave në zgjedhjet parlamentare merr pjesën më të madhe. PD përfiton 100 milionë lekë, por 3 marsi do të vendosë nëse arkën do ta mbajë PD e Alibeajt apo e merr Berisha. Ndonëse pa mandat deputeti, para përfiton nga buxheti I shtetit edhe ‘Nisma Thurje’.

Si forca që mori numrin më të madh të votave në zgjedhjet e fundit parlamentare, Partia Socialiste përfiton pjesën më të madhe të tortës financiare për 2023. Sipas projekt-vendimit të Komisionit Qendror të Zgjedhjeve, selia rozë përfiton rreth 151.5 milionë lekë.

Partia Demokratike, arkën e së cilës aktualisht e menaxhon Gazment Bardhi, merr 100 milionë lekë. Zgjidhja e ngërçit juridik më 3 mars në Gjykatën e Apelit për drejtimin e PD do të vendosë përfundimisht nëse thesin e partisë do të vazhdojë ta mbajë Bardhi, apo do t’i kalojnë Sali Berishës, që prej një viti në selinë blu, nuk dihet me çfarë parash kryen organizimet politike.

Por teksa ndryshe nga aleatët e tyre demokratë, çështjet e drejtimit i kanë të zgjidhura, arka e ish LSI, tashmë Partia e Lirisë do të jetë më e shfryrë, për shkak se në zgjedhjet parlamentare të 2021 mori më pak vota se në 2017. Për  2023, Partia Lirisë përfiton vetëm 15.577 mijë lekë.

Në bazë të projekt-vendimit të KQZ, janë në total 11 parti që përfitojnë nga fondi vjetor prej 345.6 milionë lekësh, mes të cilave edhe “Nisma Thurje” e vetmja forcë politike që në zgjedhjet e 25 prillit 2021 nuk siguroi dot një mandate deputeti.

Fondet vjetore nuk do të jenë të vetmet që do të përfitojnë palët politike. Viti zgjedhor I jep atyre mundësinë të përfitojnë para edhe për fushatën elektorale për bashkitë, përfshirë edhe PD, të cilën bojkoti I zgjedhjeve të 2019 nuk do ta penalizojë për paratë.

SI.E./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça