Përfundon me sukses stërvitja kompaktësuese dimërore e Grup Batalionit të Këmbësorisë së Lehtë e koduar “Mbrojtja e Qëndrueshme 2024”. Në ditën e fundit të kësaj stërvitje, e cila u zhvillua në rajonin e Pukës morën pjesë Presidenti i Republikës Bajram Begaj, njëherësh Komandant i Përgjithshëm i Forcave të Armatosura, Ministri i Mbrojtjes Niko Peleshi, Shefi i Shtabit të Përgjithshëm të FA Gjeneral Major Arben Kingji si dhe komandantë të forcave.
Në fjalën e tij Ministri i Mbrojtjes Niko Peleshi përgëzoi efektivët, djemtë dhe vajzat e Grup Batalionit të Këmbësorisë së Lehtë, e cila është një njësi e certifikuar nga NATO si forcë e gatshme për dislokim dhe operim në ndërveprim të plotë me Aleancën Veri-Atlantike dhe të njësive të tjera që u përfshinë në këtë stërvitje për përkushtimin dhe vendosmërinë e tyre.
“Mjedisi i sotëm i sigurisë karakterizohet nga një numër në rritje i kërcënimeve dhe kundërshtarëve të vlerave perëndimore. Agresioni brutal i Rusisë kundër Ukrainës dhe konflikti në Lindjen e Mesme kanë tronditur rendin dhe sigurinë globale duke sjellë nevojën jo vetëm të një reagimi të përbashkët nga të gjithë vendet e aleancës, por dhe atë të zhvillimit të kapaciteteve kritike dhe të forcimit të qëndrueshmërisë kombëtare”, u shpreh Ministri Peleshi, duke evidentuar faktin se fokusi është në atë që po ndodh sot në rajonin tonë, i cili vazhdon të mbetet një rajon i brishtë dhe me tensione të provokuara që tentojnë destabilizimin e tij.
“Ndaj sot kemi një strategji të re të sigurisë kombëtare, e cila do të pasohet së shpejti nga strategjia ushtarake dhe plani afatgjatë i zhvillimit të Forcave të Armatosura të Republikës së Shqipërisë. Ky bazament i fortë strategjik, na jep një shtysë për të konsoliduar dimensionin operacional dhe taktik duke vendosur theksin tek transformimi i pandërprerë i forcave dhe i kapaciteteve tona”, deklaroi Peleshi.
Sipas Ministrit të Mbrojtjes këto kapacitete do të testohen shumë shpejt në funksion të stërvitjes së madhe të NATO-s “Steadfast Defender 2024”. Ministri i Mbrojtjes u shpreh i kënaqur me faktin se këtë vit përmbushet zotimi për investimet në 2 përqind të PBB në kuadër të NATO-s, për sigurinë dhe mbrojtjen, ndërsa theksoi vijimin e mbështetje financiare dhe sociale për personelin ushtarak.
Në fjalën e tij, Presidenti i Republikës Bajram Begaj u shpreh se “Shqipëria ka qenë dhe mbetet Euro-Atlantike në frymë dhe në veprim. Si popull historikisht paqedashës, orientimi ynë është paqja dhe siguria, ndaj sot është me rëndësi jo vetëm solidariteti me vlerat e vendeve të tjera anëtare, por edhe forcimi i mëtejshëm i lidhjeve transatlantike”.
Nga ana e tij, Komandanti i Forcës Tokësore Gjeneral Major Ilir Xhebexhia teksa shprehu falenderimet dhe mirënjohjen për mbështetjen ndaj ushtarakëve u zotua se kjo forcë do të jetë e angazhuar dhe do të punojë me përkushtim, disiplinë dhe profesionalizëm të lartë për realizimin e çdo detyre dhe në përmbushtje të detyrimeve ndaj Aleancës.
Stërvitja “Mbrojtja e Qëndrueshme 2024” është pjesë e programit trajnues dhe stërvitor vjetor të Forcës Tokësore për këtë vit dhe zhvillohet në një moment kyç, pasi prej 1 nëntorit 2023 kjo forcë ka kaluar në strukturën e re organizative, e cila konsiston në një forcë ushtarake më efektive, e kompletuar me personel, e mirëpajisur me armatim dhe teknikë të avancuar, e mirëtrajnuar, e stërvituar dhe e motivuar, e gatshme të kryejë misionin kushtetues në mbrojtje të vendit.
Komente
Lajme të tjera
-
Përfundon stërvitja “Përpjekja e Përbashkët 2024” në Bizë, Peleshi: Test real i planeve kombëtare në mbështetje të NATO! Rritje pagash për FA
29 Qershor, 10:35 -
Sa do jenë rrogat e reja për punonjësit e administratës dhe a do ketë tjetër rritje pagash?
26 Qershor, 16:34
-
Miratohet rritja e pagave në administratë, hyn në fuqi në 1 korrik! Përfitojnë 135 mijë punonjës
26 Qershor, 13:09 -
Sasia e mallrave të rezervës shtetërore do varet nga numri i popullsisë! Pr/ligji: Strukturë e posaçme për emergjencat, plan 3-vjeçar për planifikimin e rezervave
19 Qershor, 13:34
-
Drafti i ri/ Rezerva materiale shtetërore do të aktivizohet edhe në kriza inflacioni, dhe jo vetëm në kohë luftë apo emergjence civile
19 Qershor, 12:45
-
Blindi shqiptar "Shota" prezantohet në panairin ndërkombëtar në Paris
17 Qershor, 17:57 -
Shqipëria do prodhojë armë, inxhinieri në Report Tv: Duhen 14 kg çelik vetëm për prodhimin e 1 automatiku
14 Qershor, 18:35 -
Prodhimi i armëve 'Made in Albania'/ Kompanitë 10 vjet pa taksa nëse investojnë të paktën 25 mln euro! AIM jep licencat, e emëron kryeministri
8 Qershor, 09:31
-
Industria ushtarake, Niko Peleshi: Kërkesa për municion në botë e madhe! Nuk kemi pse të mungojmë në këtë treg! Bashkëpunim me SHBA dhe NATO
6 Qershor, 14:57 -
Konferenca e Shefave të Shtabeve të Ballkanit në Shqipëri, Peleshi: Të palëkundur në rolin tonë si garantues të paqes dhe stabilitetit
6 Qershor, 12:31 -
Vendimi/ Dorian Tola emërohet zëvendës ministër i Mbrojtjes
5 Qershor, 20:20 -
Shqipëria drejt fuqizimit ushtarak/ Studimi me NATO-n për rivitalizimin e ndërmarrjeve ushtarake! Miratohet likuidimi për 131 punonjës të Poliçanit
3 Qershor, 19:52
Dashuria per atdheun eshte detyre mbi detyrat! Nje vend mbrohet dhe nga nje mercenar kundrejt shperblimit,apo nga dikush qe i kerkohet si detyre nga nje organizate,sic na mbrojne avionet ushtarake te Greqise e Italise me urdher te NATO-s,por dashuria nuk vjen as me shperblim,as me urdher,as me interes,prandaj kemi patriote e tradhetare.
PërgjigjuMbrojtja e Atdheut Detyrë mbi Detyrat!
Përgjigju