Trupat ruse kanë shënjestruar objektet e infrastrukturës në rajonet jugore të Ukrainës, Dnipropetrovsk dhe Herson, duke shkaktuar dëme të konsiderueshme, thanë zyrtarët rajonalë më 23 nëntor. Kjo po ndodh në kohën kur Ukraina po përgatitet për një rritje të sulmeve ndaj objekteve të saj energjetike gjatë dimrit të ardhshëm.
Qytetet Krivi Rih dhe Nikopol, si dhe rrethinat e tyre, u goditën gjatë natës, tha më 23 nëntor guvernatori rajonal Serhiy Lysak, duke shtuar se nuk kishte viktima.
"Rreth mesnatës kishte një shpërthim në lagjen Krivorizka. Armiku e drejtoi raketën në objektivin e infrastrukturës. Kaloi pa asnjë të vdekur apo të plagosur. Agresori sulmoi lagjen Çervonohrihorivka, në periferi të rajonit Nikopol, me artileri të rëndë. Asnjë njëri nuk u lëndua”, ka shkruar Lysak në Telegram.
Në Herson, një civil u plagos nga bombardimet ruse, njoftoi shefi i administratës ushtarake të qytetit, Roman Mrochko.
"Rreth orës 1, ushtria ruse bombardoi lagjet e banimit të Hersonit nga bregu i majtë i pushtuar përkohësisht. Një burrë 45-vjeçar u plagos pas një sulmi të armikut dhe atij iu dha ndihma mjekësore", shkroi Mrochko në Telegram, duke shtuar se nga sulmi është dëmtuar edhe banesa e burrit.
Rusia ka granatuar vazhdimisht Hersonin përmes lumit Dnjepër, pasi u tërhoq në bregun e majtë një vit më parë, ndërsa forcat ukrainase çliruan qytetin.
Më 22 nëntor, një 42-vjeçar u vra nga granatimet ruse në qendër të qytetit. Në rajonet lindore të Harkivit dhe Donjeckut, forcat ukrainase zhvilluan 74 beteja të afërta gjatë 24 orëve të fundit, tha Shtabi i Përgjithshëm i ushtrisë ukrainase në raportin ditor më 23 nëntor.
Në Harkiv, trupat ukrainase zmbrapsën 12 sulme ruse në Sinkivka, Petropavlivka dhe Ivanivka, dhe rreth këtyre vendeve. Në Donjeck, forcat ukrainase vazhduan ofensivën e tyre në Bahmut, qytet që ra në duart e trupave ruse në fillim të këtij viti pas një beteje të përgjakshme mujore.
Ushtria tha se forcat ruse lëshuan pa sukses 42 dronë kamikazë kundër pozicioneve ukrainase. Në pikën tjetër të Donjeckut, në Avdijivka, forcat ruse vazhduan të ushtrojnë presion në përpjekjet e tyre të pasuksesshme për të rrethuar qytetin industrial që po mbrohet nga forcat ukrainase. Raportet nuk mund të verifikoheshin menjëherë në mënyrë të pavarur./REL
Lajme të tjera
-
Ukrainë, lufta dhe pasiguria ndikojnë tek rënia e popullsisë
28 Nëntor, 18:33 -
ShBA-ja i kërkon Ukrainës që të ulë moshën e shërbimit ushtarak në 18-vjeç
28 Nëntor, 08:16 -
Lufta në Ukrainë/ Putin: Trump inteligjent, do gjejë zgjidhje! Do parandalojmë Kievin të ketë armë bërthamore! Zelensky: Kërkon të zhbëjë përpjekjet për paqe
28 Nëntor, 08:03 -
Trump nominon gjeneralin e pensionuar Kellogg si të dërguar për Ukrainën dhe Rusinë
27 Nëntor, 20:11 -
Lufta në Ukrainë/ Trump zgjedh Kellogg si të dërguar special për Rusinë dhe Ukrainën
27 Nëntor, 07:48 -
NATO konfirmon mbështetjen për Ukrainën pas sulmit rus me raketë balistike
26 Nëntor, 20:36 -
Lufta në Ukrainë/ Dezertori rus: Në shkurt 2022 ishim gati për sulm bërthamor
26 Nëntor, 16:24 -
E akuzon për spiunazh, Rusia dëbon diplomatin britanik
26 Nëntor, 15:33 -
NATO dhe Ukraina takohen lidhur me raketën e re ruse
26 Nëntor, 08:23 -
Lufta në Ukrainë/ Dezertori rus: Në shkurt 2022 ishim gati për sulm bërthamor
26 Nëntor, 07:56 -
Lufta/ Bilalli në Report Tv: Rusia mund të godasë me raketa vende që furnizojnë Ukrainën me armë! Cënohet siguria në Europë! Çfarë është raketa Oreshnik
25 Nëntor, 20:27 -
Zyrtar i lartë i NATO-s: Bizneset duhet të përgatiten për një “skenar lufte”
25 Nëntor, 18:29
