POP 5

Lajmet më të lexuara të 5 minutave të fundit

Bota

Forcat speciale izraelite vrasin tre të rinj palestinezë në Bregun Perëndimor

Ushtria izraelite ka deklaruar se forcat e saj qëlluan dhe vranë tre palestinezë që hapën zjarr ndaj ushtarëve në Bregun Perëndimor të pushtuar.

Forcat speciale izraelite vrasin tre të rinj palestinezë në Bregun Perëndimor

Ushtria izraelite ka deklaruar se forcat e saj qëlluan dhe vranë tre palestinezë që hapën zjarr ndaj ushtarëve në Bregun Perëndimor të pushtuar.

Ministria palestineze e Shëndetësisë tha se burrat u vranë të dielën nga zjarri izraelit pranë qytetit të Nablus dhe i identifikuan ata si Jihad Mohammed al-Shami, 24 vjeç, Uday Othman al-Shami, 22 vjeç dhe Mohammed Raed Dabeek, 18 vjeç.

Ushtria izraelite tha se personat e armatosur hapën zjarr në një pozicion të ushtrisë pranë kryqëzimit Jit në perëndim të Nablusit, dhe kjo solli reagimin e ushtarëve që u përgjigjën me zjarr të drejtëpërdrejtë.

“Tre persona të armatosur u neutralizuan gjatë shkëmbimit të zjarrit dhe një person i armatosur iu dorëzua forcave”, tha ushtria në një deklaratë, duke vënë në dukje se asnjë nga ushtarët izraelitë nuk u plagos.

Ushtarët, anëtarë të njësisë elitare të zbulimit të këmbësorisë Golani, konfiskuan tre pushkë M-16 dhe një pistoletë të përdorur nga palestinezët.

Dhuna e vazhdueshme

Tensionet midis forcave izraelite dhe palestinezëve janë përshkallëzuar gjatë vitit të kaluar. Forcat izraelite kanë arrestuar mijëra palestinezë në Bregun Perëndimor dhe kanë vrarë më shumë se 200 persona, civilë si dhe luftëtarë. Më shumë se 40 izraelitë dhe shtetas të huaj kanë vdekur në sulmet e palestinezëve gjatë së njëjtës periudhë.

Të premten, një izraelit qëlloi për vdekje një palestinez pranë një vendbanimi të paligjshëm në veri të Bregut Perëndimor të pushtuar.

Një ditë më parë, një person i armatosur i Hamasit hapi zjarr në Tel Aviv, duke plagosur tre persona, njëri prej tyre në gjendje kritike, përpara se të vritej nga policia dhe kalimtarët. Grupi tha se sulmi ishte një përgjigje ndaj një sulmi izraelit që vrau tre luftëtarë palestinezë në Bregun Perëndimor më herët atë ditë.

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Bim: 12/03/2023 15:20

    Shtet kriminel

    Përgjigju
  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Ylli Pata: Arsyet pse SHBA i rikujtoi Sali Berishës sanksionet

Ylli Pata: Arsyet pse SHBA i rikujtoi Sali Berishës sanksionet

18 Dhjetor, 18:58 nga Ylli Pata