FT/ Gjermani 5-1 Skoci
Mes ngjyrave të kombeve pjesëmarrëse, këngëve dhe kërcimit ka nisur në Munich Kampionati Europian 2024 i Gjermanisë. Përkujtimi i legjendës Franz Beckenbauer i la vendin sfidës hapëse për turneun e 17-të Evropian, me Gjermaninë vendase që mundi pastër 5-1 Skocinë në Gupin A.
Të besuarit e Julian Nagelsmann shënuan tre herë në pjesën e parë me Uirtz, Musiala dhe penalltinë e Havertz. Në fraksionin e dytë Fullkrug dhe Can shënuan dy gola të tjerë. Skocezët mbetën me dhjetë lojtarë pas daljes me karton të kuq të Porteous, teksa në fund shënuan golin e 'flamurit' me autogolin e Rudiger.
Lojtari i ndeshjes nga SofaScore u shpall sulmuesi Havertz me notën 8.0. Pas tij vlerësim të lartë kishin edhe Toni Kroos (7.9) dhe Jamal Musiala (7.9). Lojtari më i dobët i takimit doli të jetë Ryan Porteous me 5.0, pasi u ndëshkua me të kuq, duke i lënë skocezët me dhjetë veta në fushë.
Gjermania e nis me këmbën e mbarë aventurën e shtëpisë dhe me tri pikë kryeson Grupin A, duke pritur nesër në orën 15:00 ndeshjen mes Hungarisë dhe Zvicrës, rivalët e këtij grupi.
Ndërkohë, po nesër në orën 21:00 vëmendja do jetë në Dortmund, ku për Grupin B të Euro 2024 kombëtarja shqiptare e futbollit luan kundër Italisë, ndërsa Spanja dhe Kroacia duelojnë po për këtë grup në orën 18:00.
Notat e lojtarëve të Gjermanisë dhe Skocisë
Formacionet zyrtare:
Gjermani: Neuer – Kimmich, Rüdiger, Tah, Mittelstädt – Andrich, Kroos – Musiala, Gündogan, Wirtz – Havertz.
Skoci: Gunn; Tierney, Hendry, Porteous; Robertson, McGregor, McTominay, Ralston; McGinn, Christie; Adams.
Grupi A
Në "Allianz Arena" në Munich, nëpërmjet një ceremonie madhështore ka marrë jetë Euro 2024. Ceremonia hapëse përpara ndeshjes së parë mes Gjermanisë dhe Skocisë nisi 30 minuta përpara duelit që mori jetë në 21:00.
Fillmisht u kujtua legjenda e futbollit Franz Beckenbauer, i cili vdiq në janar, ku e veja e tij Heidi Beckenbauer solli trofeun (me peshë 8 kilogramë) në fushë. Ajo u shoqërua nga Jürgen Klinsmann, i cili ishte kapiten i ekipit gjerman për titullin e Kampionatit Evropian në Angli në 1996 dhe Bernhard Dietz, kapiteni i ekipit kampion evropian të vitit 1980. Kujtojmë se Klinsmann ka ngritur edhe Kupën e Botës në 1990.
Balerinët vendosën në skenën e madhe të stadiumi një koreografi të veçantë me veshje të ndryshme, duke treguar ngjyrat e kombëtareve pjesëmarrëse të Kampionatit Evropian. Një koreografi e bukur me ngjyra u shtri në të gjithë tribunat ku edhe spektatorët ishin pjesëmarrës në të gjithë arenën. Muzika dhe gëzimi që sjell futbolli ishin kryefjala e festës.
Komente
Lajme të tjera
-
Gjermani/ Presidenti Steinmeier shpërndan Parlamentin, zgjedhjet e reja më 23 shkurt
27 Dhjetor, 11:45 -
Trafikuan 1 ton marijuanë me vlerë 3.37 mln euro, SPAK dërgon për gjykim 4 trafikantët që u zbuluan nga përgjimet e Sky Ecc (EMRAT)
27 Dhjetor, 10:24 -
Dyshime për sabotim pas dëmtimit të kabllos nënujore elektrike në Detin Baltik
26 Dhjetor, 21:06 -
Kur gjermanët nuk blejnë dot dhuratat e Krishtlindjeve
25 Dhjetor, 12:36 -
Gjermani/ Sulmi terrorist nga mjeku në Magdeburg: Autori kishte lënë një testament në makinën e tij, zbulohet përmbajtja
24 Dhjetor, 21:39 -
Enver Robelli: Urrejtësi i myslimanëve goditi me metoda të fanatikëve islamistë
24 Dhjetor, 09:35
-
Gjermani/ Pas ngjarjes në Magdeburg: Sulme ndaj migrantëve
24 Dhjetor, 08:44 -
Perëndimi shpreh shqetësim për moscertifikimin e Listës Serbe
23 Dhjetor, 21:32 -
Pas masakrës së Magdeburgut/ Blindohet Greqia, masa të shtuara të sigurisë për 15 ditët e ardhshme
23 Dhjetor, 08:23 -
VIDEO/ Dëmtim i tmerrshëm në basketboll! Nëntë tifozëve u ra të fikët, njëri pësoi atak në zemër
22 Dhjetor, 17:45 -
Sulmi në Gjermani, ekstremistët kërkojnë dëbimin e refugjatëve
22 Dhjetor, 13:28 -
I dyshuari për sulmin në Gjermani përballet me 5 akuza për vrasje
22 Dhjetor, 13:10
