JAPONI - Andrea Kimi Antonelli me Mercedes siguroi pozicionin “pole position” për Çmimin e Madh të Japonisë, i dyti radhazi këtë sezon pas pozicionit “pole” në Kinë. Italiani i talentuar është mësuar të udhëheqë dhe performanca e shkëlqyer e sotme i dërgon një mesazh të fuqishëm shokut të tij të skuadrës, George Russell, i cili mbeti në vendin e dytë.

Pas tyre Oscar Piastri me McLaren dhe Charles Leclerc me Ferrarin. Në pesëshen e parë u rendit edhe kampioni në fuqi i botës, Lando Norris me McLaren. Në Suzuka ishte një ditë e errët për Max Verstappen, i cili u rendit i 11-ti.

Nesër në orën 07:00 me kohën shqiptare, bota e Formula 1 do jetë e përqëndruar në cirkuitin e Suzukës, me garën e Japonisë e cila është e treta për këtë sezon.

Deri tani është Mercedes që ka dominuar sezonin, me fitoren e George Russell në Australi dhe Andrea Kimi Antonellit në Japoni. George Russell kryeson klasifikimin me 51 pikë, ndjekur nga shoku i skuadrës, Antonelli me 47 pikë. Pas tyre është Charles Leclerc me 34 pikë dhe Hamilton me 33 pikë. Sa u takon ekipeve, Mercedes ka nisur shkëputjen duke kryesuar me 98 pikë pas dy garave të para të sezonit. Pas tyre vjen Ferrari me 67 pikë.

Rendit zhvillimet sipas orarit:
Ora 11:08
'Pole' i dytë radhazi, talenti Antonelli: Kam flutura në stomak, tani vëmendja te gara

1774692586_andreakimiantonelli.JPG

Kualifikimet për Çmimin e Madh të Japonisë 2026, gara e tretë e Kampionatit Botëror të Formula 1, përfunduan me Andrea Kimi Antonellin që siguroi pozicionin e parë. Në pistën e Suzukas, piloti italian i habiti të gjithë, duke shënuar një kohë prej 1'28.778. Ky është 'pole' i dytë radhazi për pilotin bolonjez, pas atij në Kinë.

"Jam shumë i kënaqur me këtë seancë", tha ai menjëherë pas garës. "Ishte e pastër dhe e mirë. Ndihesha vërtet mirë në makinë. Vazhdova të përmirësohesha me çdo përpjekje. Në xhiron e fundit, ishte për të ardhur keq që pata një bllokim në kthesën 11, por ishte prapë një xhiro e mirë. Tani jam i përqendruar te gara nesër.

Tifozët në Japoni janë të pabesueshëm. Gara në një pistë kaq historike është e pabesueshme. Jam pak më i qetë, por do të kem ende flutura në stomak. Nesër, shpresojmë të jemi të parët në kthesën 1 dhe të kemi një ritëm të mirë.

Çfarë ka ndryshuar që nga fitorja në Kinë? Patjetër që kam mësuar diçka për startin. Në Kinë, nuk kisha pasur një start të mirë deri në atë pikë. 'Pole Position' i sotëm ishte më i mirë se ai që mora në Kinë sepse u ndjeva më mirë në makinë. Ka ende vend për përmirësim, por jemi në rrugën e duhur", tha 19-vjeçari italian.

S.Dh/Shqiptarja.com