Formula 1/ Max Verstappen 'merr hak', fiton garën e Imolas në Itali! Në podium edhe Ferrari, befason Lando Norris

ITALI - Formula 1 zhvilloi këtë të diel garën e shtatë të sezonit. Në Çmimin e Madh të Italisë, në pistën e Imolas në Emilia Romagna në vend të parë e mbylli kampioni i trefishtë, Max Verstappen. Piloti i Red Bull u rikthye sërish në vendin e parë pasi në Miami u la pas nga Norris.

Rokadë vendesh në Itali, me McLarenin e Norris që u pozicionua në vendin e dytë. Pas tij në podium edhe Carles Leclerc me Ferrarin, që në garën e shtëpisë pritej më shumë. Pas 18 vitesh. Leclerc bëhet piloti i parë i Ferrarit që përfundoi në podium në Imola që nga koha e Michael Schumacher në 2006.

Në pistën "Enzo dhe Dino Ferrari" Max Verstappen dominoi një garë që zgajti 63 xhiro, me një sezon që flet për holandezin e Red Bull. Paçka kësaj, Norris tentoi deri në fund që të merrte vendin e parë, por pa ia dalë.

Pas treshes së podit më pas u renditën: Piastri, Sainz, Hamilton, Russell, Perez, Stroll dhe Tsunoda. Pas shtatë garave të para dominon Red Bull me Verstappen e Perez në krye, ndjekur nga Leclerc dhe Norris. 

Gara e radhës vjen shumë shpejt, pikërisht në fundjavën e ardhshme me një nga pistët më ikonike të Formula 1, atë të Monaco.

 

???? Max holds off Lando to the flag
???? Ferrari on the podium on home turf
???? Lance marks 150 starts with points

Here's the top ten from the #ImolaGP ????#F1 pic.twitter.com/KZQDswSHcC

— Formula 1 (@F1) May 19, 2024

S.DH/Shqiptarja.com

TAG:
• formula 1
• Max Verstappen
• red bull
• ferrari