POP 5

Lajmet më të lexuara të 5 minutave të fundit

Kronikë

Formula 1 në Shqipëri? Balla: Hap historik për automotorizimin shqiptar! Gonxhja: Ëndrrat s'realizohen nëse nuk synojmë lart

Taulant Balla tha se ndërtimi i automotoparkut të parë shqiptar është një hap historik për automotorizimin shqiptar dhe aktivitetet automobilistike, si dhe për promovimin e kulturës së motorsportit në Shqipëri. Edhe kreu i DPSHTRR Blendi Gonxhja ndërtimi i këtij automotoparku do të mundësojë zhvillimin e garave ndërkombëtare si ato të Formula 1 në vendin tonë.

Formula 1 në Shqipëri? Balla: Hap historik për automotorizimin shqiptar! Gonxhja: Ëndrrat s'realizohen nëse nuk synojmë lart

Projekti i ndërtimit të Automotoparkut të parë shqiptar

Kryetari i Grupit Parlamentar të Partisë Socialiste Taulant Balla deklaron se Automotoparku i parë shqiptar, i cili po projektohet për t’u ndërtuar në Elbasan, do të materializohet nën kujdesin e Federatës Ndërkombëtare e Automobilizmit (FIA). Përmes një postimi në rrjetin social facebook Balla deklaron se gjatë ditës së sotme nën patronazhin e veçantë të Presidentit të FIA, Jean Todt u mbajt takimi zyrtar prezantues me pjesëmarrjen e drejtuesve te DPSHTRR dhe përfaqësuesve të FIA. Sipas Ballës, automotoparku i parë shqiptar është një hap historik për automotorizimin shqiptar dhe aktivitetet automobilistike, si dhe për promovimin e kulturës së motorsportit në Shqipëri.

"Automotoparku i parë shqiptar, i cili po projektohet për t’u ndërtuar në Elbasan, do të materializohet nën kujdesin e vetë FIA. Nën patronazhin e veçantë të Presidentit të FIA Jean Todt, sot mbajtëm takimin zyrtar prezantues me pjesëmarrjen e drejtuesve te DPSHTRR dhe përfaqësuesve të FIA: Adam Baker, Stuart Robertson, Paul Rea, Tim Malyon, Guido Gaetani d'Aragona. Në takim merrnin pjesë edhe Presidenti i Automobile Club Albania - ACA Z. Niko Leka dhe SP i ACA Eridon Lameborshi, Kryetari i Bashkisë së Elbasanit Gledian Llatja. AUTO MOTO PARK ELBASAN është një hap historik për automotorizimin shqiptar dhe aktivitetet automobilistike, si dhe për promovimin e kulturës së motorsportit në Shqipëri. Cirkuiti i parë shqiptar me pistë ~5 km dhe një sipërfaqe prej 500,000+ m2 në qytetin e Elbasanit sipas standardeve të FIA, FIM dhe CIK! Edhe si qendër eventesh indoor dhe outdoor, muze e atelier RETRO, drag strip me gjatësi 1.2 km në kushte sigurie, autodrom dhe kartodrom i parë i homologuar, akademi motosporti dhe akademi edukimi mbi sigurinë rrugore, poligone profesionale testimi, pistë offroad, helipad dhe zonë sportive mjetesh ajrore ultra të lehta! Investimi përfshin edhe kompleksin e ri të DRSHTRR Elbasan me Qendrën e re të Kontrollit Teknik (kolaudimi), dedikuar shërbimeve të transportit rrugor. Projekti do të financohet nga fondet e DPSHTRR-MIE në bashkëpunim me Bashkinë e Elbasanit dhe me mbështetjen e Qeverisë Shqiptare!", shkruan Balla.

Edhe kreu i DPSHTRR Blendi Gonxhja ndërtimi i këtij automotoparku do të mundësojë zhvillimin e garave ndërkombëtare si ato të Formula 1 në vendin tonë.

“Formula 1 në Shqipëri? Think BIG! Ëndrrat nuk realizohen nëse nuk synojmë LART! Automotoparku i parë shqiptar, që po projektohet për t’u ndërtuar në Elbasan, do të materializohet nën kujdesin e vetë FIA! Me porosi direkte të Presidentit të FIA Z. Jean Todt, sot u zhvillua takimi zyrtar prezantues mes DPSHTRR dhe përfaqësuesve të FIA: Z. Adam Baker, Z. Stuart Robertson, Z. Paul Rea, Z. Tim Malyon, Z. Guido Gaetani d’Aragona. Në takim merrnin pjesë edhe Presidenti i Automobile Club Albania – ACA Z. Niko Leka dhe SP i ACA Z. Eridon Lameborshi, Kryetari i Bashkisë së Elbasanit Z. Gledian Llatja dhe Shefja e Urbanistikës e Bashkisë Elbasan Znj. Alba Canaj, takim që u ndoq edhe nga Deputeti i Qarkut të Elbasanit, Z. Taulant Balla!”, shkruan Gonxhe.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Piloti: 05/08/2021 04:31

    Shyqyr me ne fund duhet te ishte bo me kohe tashme ne te ardhmen do kemi i vend ku ti testoj makinat e mija stage 1 & stage 2

    Përgjigju
  • Ueeeee: 04/08/2021 20:44

    I rregulluam te gjitha e ngeli F1???Edhe F1 te behet por me pare te rregullojme qe mos jemi shoqeri qe mendon ende te siguroje ushqim,veshje e shtepi,pastaj flasim per me lart. Endrrat duhen por jo endrra ne diell!!! Se termet bie s'kemi pajisje e qen;zjarr bie s'kemi kova dhe shi bie e s'kemi varka a komerdare

    Përgjigju
    • Uaaaa: 04/08/2021 21:48

      Hahaha lere mor te enderroj

  • Gimi: 04/08/2021 20:33

    Kush do bejne gare, makinat e albarent???

    Përgjigju
  • xhejms: 04/08/2021 19:50

    Jan MALLAQIE te gjitha vllai, mashtrime 3d. taos vec parfumi i bo sa i bo

    Përgjigju
  • goni: 04/08/2021 19:18

    hahahahah lot lot

    Përgjigju
  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Dha dorëheqjen si kryebashkiak i Shkodrës? Reagon Benet Beci: Kush do të merret me llafe të merret me llafe

Dha dorëheqjen si kryebashkiak i Shkodrës? Reagon Benet Beci: Kush do të merret me llafe të merret me llafe

5 Nëntor, 11:15 nga Ergys Kavaja