POP 5

Lajmet më të lexuara të 5 minutave të fundit

Sociale

Foto/5-vjeçarja shqiptare që irriton 
grekët, ua bën shqiponjën ndër sy

Melita Hoxha është një vajzë e vogël që ka lindur dhe jeton në vendin helen. Ajo di shumë pak shqip, por ja që prej prindërve, e sidomos prej bashkëatdhetarëve gjithandej, ka mësuar se si të shpalosë krenarinë kombëtare duke bërë flamurin me kryqëzimin e dy duarve.
Kryqëzimi i gishtave të dy duarve për të nxjerrë prej më pas një shqiponjë krenare, është shndërruar vitet e fundit në një ves nacionalist shqiptar.

Por ethet janë shtuar së tepërmi që pas tetorit të kaluar, pas asaj çka ndodhi në stadiumin “Partizani” të Beogradit me dronin e famshëm sfidues që fluturoi mbi kokat e nxehta serbe.

Kjo bëri që shumë shqiptarë, sidomos futbollistë, të kryqëzonin duart sa herë bënin gol, pavarësisht se ku ndodheshin dhe me kë luanin.

Këto ethe kanë kapluar sigurisht dhe fëmijët, nën devizën psikologjike “shih rrushi rrushin dhe piqu!”. Sidomos kur është fjala për t`u bërë karshillëk si serbëve ashtu dhe grekërve.

Kështu, Melita Hoxha është një vajzë e vogël që ka lindur dhe jeton në vendin helen. Ajo di shumë pak shqip, por ja që prej prindërve, e sidomos prej bashkëatdhetarëve gjithandej, ka mësuar se si të shpalosë krenarinë kombëtare (edhe për inat të serbo-grekërve), duke bërë flamurin me kryqëzimin e dy duarve.
shqiptarja ne greqi
Dhurim dhe Alketa Hoxha, prindërit e Melitës – një familje  nga fshati Gjom i Kurbinit –  janë këto ditë me pushime në Shqipëri, ku miqve u tregojnë se si vajza e tyre 5-vjeçare e ka bërë shqiponjën dhe gjatë një ceremonie shkollore në Athinë, atje ku jetojnë, akt i cili ka irrituar pa masë grekët.

Ata thonë se ky gjest i është bërë tashmë vajzës diçka e zakonshme, aq sa dhe pronari i tyre në Greqi ka nisur t`u mbajë inat. Megjithatë, prindërit e saj shfaqen të gëzuar për këtë shqiptaromani të 5-vjeçares të cilën e konsiderojnë si shenjë të lartë inteligjence fëminore, me kahje patriotike.

Në çdo bisedë ata e bëjnë të njohur faktin se Melita e vogël po ua heq trurin grekërve në zemër të tokës së tyre, duke ua bërë shqiponjën me duar mu para syve, pa ia bërë syri tërr. /Tesheshi.com/           
 shqiptarja ne greqi
 
Redaksia Online
(o.b/ Shqiptarja.com)
  

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Përplasen dy trena në Bullgari, 2 persona humbin jetën dhe 6 të tjerë plagosen

Përplasen dy trena në Bullgari, 2 persona humbin jetën dhe 6 të tjerë plagosen

15 Janar, 22:55