VIDEO dhe FOTO/ Si një 'fushëbetejë' pas një lufte të ashpër, shkatërrohet zyra e Bashës, çfarë ka mbetur nga PD pas 'sulmit' të Berishës

Brenda PD-së gjithçka ka mbetur pas protestës së dhunshme nga militantët e Sali Berishës janë xhama të thyer, zyra të shkatërruar dhe karrige të hedhura përtokë. E gjithë kjo luftë bëhet vetëm për një karrige atë të kryetarit të PD, ku Basha refuzon ta lirojë dhe Berisha kërkon ta marr me zor.

Përmes videove që Report Tv sjella nga brenda selisë blu, edhe zyra e Bashës ishte shkatërrua nga militantët, ndërsa mungonte karrigia e tij. Ajo ishte në një korridor të selisë blu, ku vijonte të qëndronte stoike dhe e paprekur.   

Selia e Partisë Demokratike është kthyer në një skenë dhune ku çdo gjë është shkatërruar nga zyra e kryetarit e deri tek zyrat e administratës. Në korridoret e saj shikohen xhama e dritare të thyera, karrige e tavolina të shkatërruara. Ka qene vetë kreu i PD-së, Lulzim Basha që ka shoqeruar gazetaret në zyrat e shkatërruar.

Deputeti i PD-së, Kreshnik Çollaku ka publikuar foto nga brenda zyrës së Lulzim Bashës që duket totalisht e shkatërruar me xhama të thyera, orendi të prishura nga hedhja e gurave dhe sendeve të forta nga protestuesit.