POP 5

Lajmet më të lexuara të 5 minutave të fundit

Kronikë

Foto nga grabitja, autorët me
paruke morën 995 mijë Euro

995 mijë euro. Kjo është vlera totale e grabitur gjatë ditës së djeshme në aeroportin e Rinasit nga tre persona të cilët të maskuar dhe të veshur me jelekë të kompanisë që ka për detyrë ruajtjen e aeroportit, morën dy thasë me para. Policia ka publikuar edhe fotot e automjetit kur ka hyrë dhe kur ka dalë nga pista e aeroportit.  FOTO/Makina e grabitësve futet në aeroport  VIDEO
Zbardhet skenari i grabitjes në Rinas paratë do dërgoheshin jashtë vendit
Grabitja në terminalin e aeroporit, ja fotot e vendit ku autorët hynë brenda
 
995 mijë euro është shumë e grabitur një ditë më parë në pistën e avionëve në aeroportin e Rinas pak para fluturimit të avionit me destinacion Tiranë-Vjenë.
 
Kjo shifër konfirmohet zyrtarisht nga policia e shtetit e cila sqaron se autorët e dyshuar janë 3 persona të cilët kanë përdorur si kamuflazh jelekët e kompanisë ICTS e cila është kompania që kujdeset për sigurinë e brendshme të terminalit të avionëve.

Report Tv sjell dinamikën e grabitjes ku distanca nga dera në të cilën janë futur grabitësit e njohur si porta e karburantit, është 495 m deri në vendin ku qëndron avioni.
 
Është ky itinerari i përdorur nga autorët e dyshuar të cilët me automjetin e tyre mercedez benz i janë afruar avionit kanë marrë paratë dhe janë larguar po nga e njëjta rrugë.
 
Porta hapet në mënyrë manuale dhe aty autorët kanë lënë gjurmë teksa kanë ndërhyrë për të çmontuar bravën, e cila përdorej për hapjen dhe mbylljen e derës.
 
Ajo që mbetet mister dhe bënë me përgjegjësi kompaninë ICTS është fakti se si porta është hapur pa u pikasur nga rojet e tyre nga persona që nuk kishin as çelësin e saj por dyshohet se kanë ndërhyrë me forcë për të çmontuar bravën e për tu futur deri në pistë.
 
Porta në fjalë shërben për futjen e eskortave të transportit të parave dhe mallrave kargo nga ku dhe një ditë më parë janë futur dy kompani private për të transportuar paratë.
 
Sipas rezultatit të hetimit në piste ditën e djeshme kur ka ndodhur grabitja kanë hyrë dy automjete të blinduara ku pre e grabitjes ka rënë vetëm eskorta e “Nazeri 2000’’.

Grabitësve u është dashur të përshkruajnë deri tek avioni 495 m ndërsa automjetit të ‘’Nazeri 2000” 317 m ku në harkun kohor të 7 minutave ka ndodhur ky kryqëzim i mjeteve e më pas tre autorët e dyshuar kanë nxjerrë armët dhe të maskuar me kapuc kanë marrë thasët me para dhe janë larguar.
 
Shuma e parave e cila do të tranportohej jashtë vendit nga dy bankat e nivelit të dytë ishte mbi 3 milion euro bëjnë me dije burime për ReportTv ndërsa ajo që është grabitur zyrtarisht ka rezultuar 995 mijë euro.
 
Një ditë pas ngjarjes policia ka të ndaluar për këtë rast punonjësit e policisë private ndërsa këtë të premte kanë dëshmuar dhe zyrtarë të aeroportit dhe kompanisë ICTS si dhe janë sekuestruar librat e protokollit të sigurisë që ndiqet për mënyrën se si lëvizin paratë në pistën e aeroportit.

fotosekuence makina e grabitjes
(Makina e grabitësve duke u futur e duke dalë nga aeroporti dhe skema e grabitjes) FOTO

grabitja
 Kliko për ta parë më të madhe

makina e blinduar e nazeri 2000
(Makina blind e Nazeri 2000 që transportonte paratë)

porta nga dyshohet se kane hyre grabitesit
(Porta e sigurisë nga ku kanë hyrë grabitësit në aeroportin Nënë  Tereza) 

Demtimet e portes ne rinas
(Me rreth të kuq, dëmtimet në porten e sigurisë së aeroportit nga ku u futën grabitësit)

fnsh postbllok pas grabitjes rinas
policia rinas
fnsh postbllok pas grabitjes rinas
(Postblloku i ngritur nga policia pas grabitjes)

dera ku jane futur grabitesit
dera ku jane futur grabitesit

dera ku jane futur grabitesit
(Porta e sigurisë nga ku kanë hyrë grabitësit në aeroportin Nënë  Tereza)

policia rinas
(Helikopteri i policisë që patrulloi zonën pas grabitjes) Fotot Antonio Çakshiri/Shqiptarja.com 

makina e djegur
(Makina e djegur e grabitësve)
 
 Redaksia Online
(F.T/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Aksident në aksin Librazhd- Prrenjas, trajleri del nga rruga, s'ka të lënduar

Aksident në aksin Librazhd- Prrenjas, trajleri del nga rruga, s'ka të lënduar

11 Janar, 17:49