Këto janë fotot e takimit të Presidentit Ilir Meta me kotrollorët e AlbControl që kanë pezulluar punën ditën e sotme në Rinas për shkak të uljes së pagave si pasojë e situatës së pandemisë.
Lidhur me këtë takim ka qenë vetë presidenca ajo që ka sjellë një njoftim për shtyp ku bënte me dije se Meta priti një përfaqësi të “Sindikatës së Pavarur të Kontrollit të Transportit Ajror". Sipas njoftimit ata i kanë përcjellë Metës shqetësimin lidhur me vendimmarrjet e Këshillit Mbikqyrës të Shoqërisë “Albcontrol”, që sipas tyre iu kanë cënuar të drejtat legjitime si punëmarrës.
"Sipas përfaqësuesve të kësaj Sindikate, vendimmarrjet e Këshillit kanë shkelur një sërë rregulloresh dhe manualesh, që lidhen me ruajtjen e sigurisë së operimit të trafikut ajror në hapësirën ajrore shqiptare, duke vënë në rrezik individualisht dhe kolektivisht të gjithë trupën e kontrollorëve të trafikut ajror, shoqërinë “Albcontrol” sh.a. por njëkohësisht dhe sigurinë e hapësirës ajrore të Republikës së Shqipërisë. Pjesëmarrësit e njohën Presidentin Meta me faktin se prej më shumë se 10-muaj, nuk kanë marrë ende asnjë zgjidhje për shqetësimet e tyre nga institucionet përgjegjëse sipas ligjit dhe askush prej tyre nuk ka treguar gadishmëri për të diskutuar me Sindikatën lidhur me çështjet e ngritur.
Përfaqësuesit e Sindikatës e vlerësuan me shumë shqetësim situatën, që referon edhe rreziqe potenciale të cenimit të sigurisë të hapësirës ajrore në Republikën e Shqipërisë, sidomos në kushtet kur për pak ditë në Shqipëri do të nisë përgatitja dhe zhvillimi i stërvitjes së përbashkët të forcave të vendeve anëtare të Organizatës së Traktatit të Atlantikut të Veriut dhe të vendeve partnere të kësaj organizate “Defender Europe 21”, nga ku pritet që trafiku ajror në vendin tonë të rritet ndjeshëm, si në fluturimet ushtarake, edhe në ato civile", shkruhej në njoftimin e presidencës.
Kryeministri Rama teksa e cilësoi bojkotimin e punës një sabotim të rëndë të aktivitetit të Aeroportit "Nënë Tereza" dhe paralajmëroi se do të merren masat që parashikon ligji për to, akuzoi se nxitës të kësaj lëvizjeje sipas tij janë presidenti Meta dhe ish-kryeministri Sali Berisha, duke bërë që të pezullohen fluturimet në aeroportin “Nënë Tereza”. Sipas Ramës, këta të fundit duan mbylljen e aeroportit që në vend të mos vijnë vaksinat.
Më pas Meta ka publikuar në rrjetet sociale edhe një letër të cilën thotë se ia ka nisur pak ditë më parë kreu të qeverisë, për ta lajmëruar mbi problematikat që i kishte adresuar Sindikata e Pavarur e Kontrollit të Transportit Ajror.
Fluturimet në aeroportin e Rinasit janë pezulluar pasi 60 kontrollorët e trafikut ajror të AlbControl thuajse njëkohësisht kanë shpallur paaftësinë e tyre në punë duke firmosur një dokument se kanë stres për shkak të kushteve të vështira financiare të tyre, që ka ardhur si pasojë e uljes së pagës së tyre nga 4400 dollarë në 2400 dollarë si pasojë e pandemisë.
Vendimin për pezullimin e punës kontrollorët e trafikut ajror e kanë marë një vit pas uljes së rrogës, ndonëse kjo grevë nuk lejohet nga ligji. Ndalimet e grevës për punonjësit e kontrollit ajror janë shumë të qarta në Kodin e Punës.
Lajme të tjera
-
Ylli Pata: Pse opozita nuk ka fituar pikë nga hetimet e SPAK?
26 Dhjetor, 19:48
-
Albcontrol 39,7 milionë lekë për pajisjet e Kullës së Kontrollit në Aeroportin e Vlorës
26 Dhjetor, 15:35 -
‘Giro d’Italia 2025’ nis nga Shqipëria, jehonë në mediat e huaja
26 Dhjetor, 08:14 -
Ylli Pata: Legjendat elektoralo-amerikane të Sali Berishës
25 Dhjetor, 20:00
-
Berisha me gratë demokrate të LDG: Kjo është qeveria e Luciferit, 13 km rrugë për të vjedhur 14 herë! Ministret e Ramës pa forcë morale
25 Dhjetor, 19:13 -
Ben Andoni: PD-ja përballë protestave, por pa publikun?!
25 Dhjetor, 18:53
-
'Erdhi në jetë bebushi i parë', Rama: Krishtlindja këtë vit nisi me një mrekulli të vogël
25 Dhjetor, 12:33 -
'Gëzuar Krishtlindjet', kartolina e krerëve të shtetit, politikës e ndërkombëtarëve për të krishterët! Begaj: Të reflektojmë mbi vlerat më të larta të njerëzimit
25 Dhjetor, 08:09 -
Akuzat e opozitës për mbylljen e TikTok! Rama fiton garën me fansat, 2 milionë pëlqime! Berishën e mund edhe Arlind Qori
24 Dhjetor, 19:58
-
'Thuhet lart e poshtë ‘ai fiton, se opozita është e dobët!’ Rama 'thumbon' kritikët: Ka një arsye kryesore për fitoret e mia...!
24 Dhjetor, 19:53 -
Rama me ambasadorët: Do doja që karrigia e Federatës Ruse të mos ishte bosh, viti tjetër sjelltë paqe në Ukrainë dhe Lindjen e Mesme!
24 Dhjetor, 19:15 -
Rama në darkën me ambasadorët për festat e fundvitit: Shqipëria nuk ka plan B, vetëm anëtarësimin në BE! Presidenti i ri i SHBA-ve sjell mundësi të reja
24 Dhjetor, 18:26
