Foto/ 'Të rinjtë' e thinjur të PD i bashkohen Foltores, afrohet dhe ish-parashikuesja VIP e motit

Mungesa e një kauze reale politike të Foltoreve të Sali Berishës, përveçse vendimi i Bashës për ta përjashtuar atë nga grupi, me vrap njerëzit e kryetarët sajuan një “Foltore flash” për dy vendimet e Lulzim Bashës për të rinovuar ekipin e FRPD-së dhe Forumit të Gruas.

E siç po ndodh këto ditë, në anën e Foltores, rreshtohen të gjithë që ndjejnë se po ju ikën ndonjë post në parti, apo kanë qenë të pakënaqur që përpara zgjedhjeve kur nuk u kandiduan për deputetë.

E kështu në Foltoren e sotëm, përveç publikimit të “bujshëm” nga njerëzit e Berishës për bashkimin e Belind Këlliçit me të(çfarë lajmi, strukturat e tij prej kohësh ishin karburanti njerëzor i foltores), u bashkangjitën edhe Lizandër Hoxha, ish-numri dy i FRPD-së, i cili u divorcua nga PD-ja që pa filluar zgjedhjet e 25 prillit, e të tjerë që nga zgjedhjet e reja në FRPD automatikisht nuk do të zgjidhen.

Duke parë direkten e Foltores në tv, ndërsa fliste Hoxha, “skenografia humane” pas tij ishte plot me burra të thinjur e në moshë të mesme, që as lidhje nuk kishin me Forumin e Rinisë, e as atë të gruas.

A, e reja e Foltores së sotme, ishte paska ndërkombëtare dhe e lidhur me motin natyrisht. Ngaqë në takim kishte mbërritur nga Zvicra, Florjana Garo, ish-zëdhënësja e fushatës së PD-së në 25 prill, ku garoi në qarkun Durrës, si dhe ish-parashikuesja e motit në Tv Klan.

Një pikë e dobët e Berishës, i cili kur ishte kryeministër ishte të vetmes që s’i kursente komplimentet në takimet me gazetarët…

E ish-parashikuesja ja ktheu doktorit simpatinë e vjetër duke rritur nivelin e pjesëmarrjes “Vip” për të zbutur mungesën e personaliteteve të PD apo strukturave në rrethe…/ Gazeta "Tema"

Lajmi kryesor:

‘Foltorja’ për rininë, Berisha sulmon Bashën: Të ishte këtu në debat të hapur, të mësonte abc e demokracisë! Sillet sikur është shkolluar në Korenë e Veriut

J.GJ.//Shqiptarja.com

TAG:
• sali berisha
• FRPD