Fotolajm/ Policia serbe kërkon
dronin...në çantat e kombëtares

BEOGRAD - Edhe pse ju desh t’i shpëtonin dhunës së tifozëve serbë, si dhe pritjes për rreth 2 orë në ambientet e stadiumit të Partizanit, kombëtarja shqiptare, i është nënshtruar edhe një kontrolli të imtësishëm në aerportin e Beogradit, i cili mësohet se ka zgjatur rreth 1 orë.

Fotot që qarkullojnë tashmë nëpër internet, tregojnë lojtarët e ekipit kuqezi që i nënshtrohen kontrollit të policisë serbe, pas dyshimeve të këtyre të fundit, se  në çantat e futbollistëve ishte telekomanda e dronit që valëviti flamurin shqiptar mbi Beograd.



Nga ana e tyre futbollistët dhe stafi i kombëtares kanë filmuar të gjithë kontrollin e bërë nga serbët për të mos lejuar deklarata apo pretendime abuzive lidhur me atë se çfarë kishin në bagazhe. 

Siç duket  makthi i djeshëm i kombëtares shqiptare, vazhdoi edhe jashtë ambienteve të stadiumit, ku të gjitha bagazhet e tyre i janë nënshtruar kontrollit të imtësishëm, në përpjekje të serbëve për të gjetur fajtorin e dronit, që shkaktoi irritimin e tyre. 





Redaksia Online
(e.c/shqiptarja.com)