FOTO/Moratoriumi i gjuetisë sjell në Nartë pelikanin më të rrallë në botë

FOTO/Moratoriumi i gjuetisë sjell në Nartë pelikanin më të rrallë në botë

Vendosja e moratoriumit për ndalimin e gjuetisë, sjell në vendin tonë një nga shpendët më të rrallë në botë. Listës së shpendëve në Peizazhin e Mbrojtur Vjosë-Nartë, i është shtuar edhe 1 lloj i ri: pelikani rozë (Pelecanus onocrotoalus).

Pelikani rozë është një prej 8 llojeve të pelikanëve që ekzistojnë në botë dhe 1 prej 2 llojeve që hasen në vendin tonë, së bashku me atë që gjithkush e njeh: pelikanin kacurrel (Pelecanus crispus) apo shpendin më të madh në botë të ujërave të ëmbla.

Ndryshe nga pelikani kaçurrel, pelikani rozë nuk folezon në vendin tonë, ndonëse një koloni e shëndetshme e këtij lloji gjendet në anën greke të Prespës së Vogël dhe kësisoj mund të haset rëndom gjatë periudhës së folezimit edhe në anën shqiptare të liqeneve të Prespës në jug-lindje të vendit, në të cilat ushqehet.

Ndryshe nga pelikani kaçurrel, ky lloj është shtegtar (së paku popullata europiane) dhe dimëron kryesisht në Afrikë.

Në ligatinat bregdetare të vendit ky lloj është vrojtuar shumë rrallë dhe ky vrojtim mund të jetë i dyti (pas atij të Karavastasë në 2016) në 25-30 vitet e fundit.

Të dhënat e vitit 2018 dëshmuan se numri i shpendëve të ujit në vendin tonë është rritur ndjeshëm. Kjo edhe si pasojë e vendimeve të rëndësishme të ndërmarra nga qeveria në mbrojtje të mjedisit, siç është moratoriumi i gjuetisë. ATA

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Zana: 08/10/2019 02:08

    Po me moratiriumin e prerjes te pyjeve pse nuk e zbatoni,,,keni shkatarruar ajrin e qyteteve tona,,,po nuk u rregulkua ky problem nuk ja jap me voten edi rames....

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Shkodër/ Kryebashkiaku Beci inspekton punimet e molos tek ura e Bunës: Projekti përfundon në qershor

Shkodër/ Kryebashkiaku Beci inspekton punimet e molos tek ura e Bunës: Projekti përfundon në qershor