Eshtë hapur nga Muzeu i Shkodrës ekspozita me reliket e Luigj Gurakuqit, një ndër personalitetet më të shquara pas Rilindjes Kombëtare. Ekspozita vjen në prag të 103­vjetorit të Shpalljes së Pavarësisë, ku Luigj Gurakuqi ishte ndër protagonistët kryesorë të asaj ngjarjeje madhore, pasi hartoi Deklaratën e Pavarësisë dhe ishte nënshkruesi kryesor i saj pas Ismail Qemalit, në qeverinë e të cilit iu besua posti i ministrit të Arsimit.

Më pasi ai do të bëhej një ndër figurat më të njohura të parlamentarizmit shqiptar si deputet i Shkodrës, opozitar i vendosur përkrah Fan Nolit, demokrat me cilësitë më të vyera të një intelektuali të kohës të nivelit europian.

Tërheqin vëmendjen në ekspozitë e objekteve të Luigj Gurakuqit kostumi i tij i shpuar nga plumbat, deri sendet më të thjeshta apo tryeza e punës. Shumë nga këto objekte u sollën dekada më parë nga i ndjeri Gjon Kamsi, i cili ndodhej në Itali ditën kur u vra Luigj Gurakuqi. Më pas u ruajtën në Muzeu e Shkodres, fatmirësisht, për të mbërritur tek kjo ekspozitë, që për shumë nga të pranishmit ishte hera e parë që njiheshin me këto objekte të një rëndësie të dorës së parë për periudhën e nga Shpallja e Pavarësise e deri në vitet 30­të. Por me këtë rast nuk munguan as reagimet ndaj faktit që ka munguar kujdesi per këtë figurë.

gurakuqi

gurakuqi

gurakuqi

Nga skulptori Ferit Kola, autori i shtatores së Luigj Gurakuqit, si dhe studiuesi Pjetër Logoreci, u cilësua si skandaloz fakti që shtëpia muze e Luigj Gurakuqit në Shkodër u shkatërrua në harkun kohor të viteve 1993 ­2000, ndërkohë që pushteti lokal në Shkodër mbajti një qëndrim krejt mospërfillës ndaj këtij akti të shëmtuar. Luigj Gurakuqi lindi në Shkodër më 2 shkurt të vitit 1879 dhe u vra në Bari të Italisë më 2 mars të vitit 1925. Plumbat e tradhëtisë ia morën jetën në moshën 46­vjeçare/ Tesheshi.com

Redaksia online
(S.m/shqiptarja.com)