POP 5

Lajmet më të lexuara të 5 minutave të fundit

Kronikë

Fotot/ Italiani vrasës me pagesë 
në Tiranë 8 orë para masakrës

Detaje të reja rreth masakrës se Bulevardit Zogu I.  Italiani Salvatore Letizia, mbetur i plagosur ne ngjarje, sipas burimeve të A1Report rezulton të jetë vrasës me pagesë. Prishja e pazareve te drogës dhe një vrasje e ndodhur në Holandë para një muaji dyshohet se janë shkaqet e përplasjes me armë mes bandave. Tre persona humbën jetën dhe 3 të tjerë u arrestuan. A1 Report siguron fotot e viktimave, ndërkaq është zbardhur nga policia dhe dinamika e ngjarjes.   VIDEO
FOTO- Viktimat  FOTO 
Njoftimi i plote i policise per vrasjen e trefishte
Fotot/ Italiani vrasës me pagesë <br />në Tiranë 8 orë para masakrës
TIRANE - Prishja e pazareve te drogës dhe një vrasje e ndodhur në Holandë para një muaji dyshohet se janë shkaqet e përplasjes me armë mes bandave, ngjarje kjo e ndodhur pasditen e së mërkurës në Bulevardin Zogu i Parë në kryeqytet. Tre persona humbën jetën dhe 3 të tjerë u arrestuan.

A1 Report siguron fotot e viktimave Gerti Goxhaj, Mentor Lufi (Doçi), Besnik Sulku si dhe italianit Salvatore Letizia i cili mbeti i plagosur ndërkaq është zbardhur nga policia dhe dinamika e ngjarjes. Por te reja te tjera te bujshme dalin nje dite pas masakres. Italiani Salvatore Letizia, 34 vjec nga Napoli, me disa precedente penale ne Itali per trafik armesh dhe trafik droge, rezulton qe ne Tirane te kete mbrritur me misionin e vrasesit me pagese.


Burimet prane policise per Shqiptarja.com bejnë te ditur se Letizia ka mberritur po të merkurën, 27 maj në Rinas, 8 orë para masakrës, duke fluturuar nga Roma me avionin e ores 11:23 minuta.

Te dhena te tjera interesante nga grupi hetimor deshmojne se masakra e djeshme eshte planifikuar prej muajit prill dhe ne shenjester ishte vene Mentor Lufi, por ngjarjet shkuan pak ndryshe. Letizia, i kontraktuar nga Besnik Sulku, kishte ardhur qe prilli 5 here ne Tirane. Ata kane mbajtur ne survejim levizjet e Mentor Lufit dhe te merkuren, ne Bulevardin Zogu i Pare, kane synuar te bejne ekzekutimin.

Në foton e siguruar nga A1 Report dallohen edhe dëmtimet e marra nag përplasja me makinë nga dy nipërit e Mentor Lufit (Doçi)

salvadore
(Në foto italiani Salvatore Letizia)


Gjithashtu A1 Report ka siguruar edhe fotot e 2 nipave të viktimës Mentor Lufi (Doçi), të cilët u përfshinë në ngjarje duke qëlluar ndaj atentatorëve të dajes së tij.  Markeljan Doçi dhe Klevis Doçi u arrestuan në vendngjarje ndërsa ishin duke i dhënë ndihmë dajes së tyre.
autoret me logo
(Në foto, dy niprit e Mentor Lufit të arrestuar nga policia pas ngjarjes. Markeljan Doçi (djathtas) dhe Klevis Doçi (majtas)

3 pistoletat
(Tre pistoletat e përdorura dje)

Ngjarja
Ngjarja e rëndë ndodhi pasditen e së enjtes në kryeqytet ku nga përplasja me arme mes dy bandave rivale për trafikun e drogës mbetën të vrarë 3 persona, ndërsa 3 të tjerë të përfshirë në këtë ngjarje u arrestuan në vendngjarje dhe u sekuestruan armët e krimit. A1 Report siguron

fotot e viktimave: Gerti Goxhaj, Mentor Lufi (Doçi), Besnik Sulku si dhe italiani Salvatore Letizia.
vrasja te marteniteti ok
Autori kryesor i kësaj ngjarje, Besnik Sulku mbeti viktimë në shkëmbimin e zjarrit. Dyshohet se pas prishjes se trafikut të drogës mes bandave është vrarë në Holandë vëllai i Besnik Sulkut, Durim Sulku.

vellai
( Në foto vëllai i Besnik Sulkut, Durim Sulku )

Pas kësaj vrasje në Holandë, Besnik Sulku është hakmarrë duke qëlluar mbi Mentor Lufin dhe Gerti Goxhajn që mbeten të vdekur në Bulevardin Zogu i Parë. Këto janë dyshimet e para të policisë për ngjarjen por hetimet vazhdojnë.


Dinamika e ngjarjes sipas njoftimit zyrtar të Policisë
Më  datë 27.05.2015, në orën  19:20,  Salla  Operative  e  Drejtorisë së Policisë së Tiranës  ka  marrë njoftim  se  në vendin e quajtur ,Bulevardi Zogu I­rë ,përballë Fakultetit të Shkencave të Natyrës kishte ndodhur një shkëmbim zjarri  mes dy grupeve.
 
Nga hetimet e para hetimore ka rezultuar se dy grupe me  preçedent  të mëparshëm  penal  kanë pasur  shkëmbim  zjarri mes tyre. Me konkretisht :
 
Shtetasi Mentor  Lufi (Doçi) së bashku  me  shtetasin  Gerti  Goxhaj  kanë qënë ulur  në një kafe  pranë Fakultetit  të Shkencave të Natyres.
 
Jashtë kafes ishin duke pritur dy nipërit e Mentor Lufit. Pasi kane dalë nga kafja, shtetasi Mentor Lufi ka hipur në mjetin  tip BMË me targa AA 001IK si pasagjer dhe drejtues mjeti ka  qenë shtetasi Gerti Goxhaj.
 
Ndërkohë pas tyre vinte mjeti tip Touareg me targa AA 097 KE  në të cilën  udhëtonin  dy  nipat  e shtetasit  M.Lufi  ,konkretisht  shtetasi Markeljan Doçi dhe shtetasi Klevis Doçi.  Në momentin kur mjeti tip BMË ka filluar lëvizjen ,në këmbë kanë qenë dy shtetas  të cilet  kanë hapur  zjarr  duke  qëlluar  në drejtim të dy shtetasve që udhetonin në mjetin tip tip BMË me  targa AA 001IK . 
 
Në këtë moment menjehere janë kundërpërgjigjur me armëzjarri  dy nipat e M.Lufit (Doçi) duke goditur me mjet një nga autoret e  dyshuar shtetas  Italian  i  identifikuar me  emrin  Salvatore  LETTICIA ,I cili ka mundur të largohet nga vendngjarja duke u  fshehur  në një hotel  në afërsi  dhe  duke  u  përpjekur  të fshihte  provat e krimit . 
 
Ndërkohë shtetasi  Markeljan Doçi ka  qëlluar me  armë zjarri   shtetasin Besnik Sulku i cili hapi zjarr i pari ndaj  xhaxhait të tyre dhe mikut të tij .
 
Kjo ngjarje ka ndodhur në një fragment kohe shumë të shkurtër  dhe  punonjesit  e  policisë në kohe  record  kanë mberritur  në vendngjarje për tre minuta. Policia ka bërë rrethimin e zonës dhe falë veprimeve të shpejta  ka bërë të mundur neutralizimin e të dy autoreve të dyshuar, ku  shtetasi Markeljan Doçi mbante në dorë armën me të cilën kishte  kryer krimin e rëndë .
 
Disa metra me tej ,në një hotel në afersi të vendgjarjes  u ndalua  autori i dytë i dyshuar shtetasi Italian ,i  cili kishte demtimë në trup dhe i gjakosur në fytyrë.  Në vendin e ngjarjes u gjeten dhe u sekuestruan dy automjete .

 
Një automjet tip BMË me targa AA 001IK , mjeti tip Touareg  me targa AA 097 KE si dhe dy arme zjarri tip pistolet. Vikimat  dhe  autorët  e  kësaj  përplasje  me  armë  ,kanë  qenë  të  evidentuar  më  parë  nga  Policia  si  persona  me  preçedentë  kriminalë  në  fushën  e  Trafikut  ndërkombëtar  të  Lëndëve  narkotike, armbajties pa leje etj.
 
Në Drejtorinë e Policisë Tiranë aktualisht janë të shoqëruar  3  shtetas , dy nipërit e Mentor Lufit dhe shtetasi Italian, ku vijonë veprimet  procedurale  dhe  hetimore  nga  Specislistët  e  Sektorit  Kundër  Krimeve  të Rënda  në Drejtorinë e  Policisë së Qarkut  Tiranë nën  kryesimin e Prokurorit. 
 
Redaksia Online
(Gre.M/Shqiptarja.com)

  • Sondazhi i ditës:

    PS pritet të rikandidojë shumicën e kryebashkiakëve aktualë, si mendoni?

Lajme të tjera



×

Lajmi i fundit

Shokët e skuadrës që u bënë armiq! Njëri i burgosur në kampet e përqëndrimit, tjetri komandant

Shokët e skuadrës që u bënë armiq! Njëri i burgosur në kampet e përqëndrimit, tjetri komandant

23 Mars, 10:00