Sot kryebashkiaku i Tiranës, Erion Veliaj denoncoi me emra dy faqe online të cilat, kohët e fundit u kishin vendosur gjobë kompanive që drejtojnë linjat e autobusëve në Tiranë. Veliaj tha se Erland Dalliu dhe 'Anisa e Vithkuqit' emri i vërtetë i së cilës është Anisa Caka, jane pronaret te portalet ''JOQ'' dhe ''Lolita'' dhe ata gjobisin pronarët të autobusëve të kryeqytetit. Por, cilët janë dy personat që drejtojnë dhe fshihen pas dy faqeve në fjalë, JOQ dhe Lolita? Në foto shihni Erland Dalliun, drejtuesin e “Jeta Osh Qef”, faqe për të cilën shumë biznese kanë shprehur shqetësimin se u duhet të paguajnë shuma të majme në mënyrë që të mos sulmohen me lajme fake nga JOQ.

Fotoja tjetër i përket personit të fshihet pas faqes Lolita, e që njihet vetëm me emrin “Anisa e Vithkuqit”. Emri i saj i vërtetë i saj është Anisa Caka. Ndërkaq, burimet thonë se Bashkia e Tiranës po përgatit padi për të dyja këto faqe dhe do të bëhen denoncimet përkatëse në Prokurorinë e Tiranës.

Anisa Caka, pronare e faqes Lolita

Erland Dalliu, pronar i faqes JOQ

Ishte kryetari i Bashkisë së Tiranës, Erion Veliaj, i cili sot gjatë takimit për prezantimin e projektit për linjën e shpejtë të autobusëve, ka denoncuar disa faqe online të cilat u kanë vendosur gjoba kompanive të transportit publik, për të mos publikuar lajme të rreme për to. Ai përmendi rastin e faqes ‘Jeta Osh Qef’ dhe Lolita, si dy portale që vendosin rregullisht gjoba.

“Ju që jeni drejtues të kompanive e dini fare mirë, se keni ardhur tek unë dhe më keni thënë: A ta paguaj atë Erland Dalliun e “Jeta Osh’ Qef”, vetëm që të më lërë rehat? Dhe përgjigja që keni dëgjuar nga unë është: “JO”. Për sa kohë që unë nuk i paguaj gjobat e Erland Dalliut dhe të “Jeta osh’ Qef”, nuk do t’i paguani as ju, se nuk mund të kemi një marrëdhënie ku ju paguani gjobat e atyre që janë tërë ditën me “Range Rover” dhe që s’kanë hipur ndonjëherë në autobus. Erland Dalliu është nipi i Brahim Dalliut - ta dijë gjyshi i tij, që në muajin e Ramazanit bëhet një haram i tillë dhe nipi i tij gjobit gjithë autobusët… i kam thënë edhe linjës së Kombinatit, “jo, s’ke për të paguar”, edhe linjës Green Line i kam thënë “s’ke për të paguar”, le t’iu vijnë me oferta. O do ta bëjmë këtë punë siç bëj unë punët e bashkisë, që pavarësisht gjobave vazhdojmë përpara, dhe koha na provon që kemi të drejtë, po kështu nuk bëhet të jesh nipi i një haxhiu të nderuar, një kleriku të madh si Brahim Dalliu, dhe sot Erland Dalliu u vë gjoba kompanive të autobusëve, kjo nuk pranohet, se në dallim nga ata gazetarët që të paktën dalin me emër, këta dalin edhe pa emër”, tha Veliaj.

Nga ana tjetër, ai deklaroi se drejtuesit e këtyre faqeve fshihen pas pseudonimeve.

“Më erdhi dje dikush tjetër për atë aksidentin e fundit, më tha: ‘Anisa e Vithkuqit e “Lolitës” më ka vënë gjobë’. I thashë: “Jo, jo, Anisa e Vithkuqit le t’i rrisë dy fëmijët e saj siç i rrisin të gjithë, jo me gjoba”. Nuk do paguaj asnjë gjobë dhe këtë radhë do provoj që ti mund të bësh një fushatë me vendime të rëndësishme, me vendime të drejta, me vendime të ndershme pa paguar asnjë gjobë dhe të fitosh. Po ju garantoj, ne do t’i fitojmë këto beteja, jo vetëm politike, por edhe betejat për transportin publik, pa paguar asnjë gjobë, as Anisa Vithkuqit, as Erland Dalliut, dhe as ndonjë gjobaxhiu tjetër që fshihet pas emrave që duket sikur janë gallatë dhe në fakt janë makineritë më të mëdhaja të gjobave. Se i bie që duhet të fusni në bilancin tuaj edhe këto kosto. Pra, mirë kostoja e naftës, mirë kostoja  e stresit, mirë kostoja e dikujt që mund të jetë i sëmurë ose e dikujt që është me agjërim apo edhe e një aksidenti ku s’ke faj fare, por të fusësh edhe koston e Anisa Vithkuqit dhe Erland Dalliut, për të përballuar transportin publik… jam i sigurt që edhe Xhoni, edhe Kristiani [ekspertët e GIZ], teksa dëgjojnë fjalët e mia thonë: “s’e kishim dëgjuar këtë kosto të tillë!”, se sigurisht në Londër nuk ka njeri që të vë gjoba për autobus: “O paguaj këtu haraçin ose ne do të biem përditë dhe po të doli tym nga marmita do të themi që është zjarr”. Sigurisht që, Kristiani habitet dhe thotë “Ç’a janë këto muhabete!”, por këtu në Shqipëri, kush bën biznes, ka edhe një bilanc tjetër që është një bilanc në të zezë i haraçit që ti duhet të paguash nga këta që jetojnë me punë të pandershme, që nuk e nxjerrim emrin e tyre dhe nuk e thonë përballë kritikën, por fshihen pas një pseudonimi gallate, qejfi, por ndërkohë janë gjobaxhinjtë më të mëdhenj në këtë qytet”, deklaroi kryebashkiaku

Në takimin e sotëm Veliaj prezantroi projektin e Linjës së Shpejtë të Autobusëve, të cilën Bashkia Tiranë së bashku me mbështetjen e KFW dhe Qeverisë Shqiptare e kanë gati.  

“Të kalojmë në një sOIstem ku praktikisht në mënyrë të pandërprerë korridori i autobusëve as të mos penetrohet nga makinat apo këmbësorët, por të jetë në mënyrë të drejtë sidomos në ato rrugë apo linja që tashmë i kemi përcaktuar që janë Tirana e Re, Unaza dhe Kombinati që do të kalojnë në këtë sistem.”

Rendit zhvillimet sipas orarit:
Ora 22:44
Noizy shpërndan lajmin e Report Tv për dy faqet 'Lolita' dhe 'JOQ' dhe denoncon: Ja fytyra e shpifësve, normal që jeni negativa

1675149515_800062f00797d954f.png

Kryebashkiaku Erion Veliaj denoncoi sot me emra dy faqe online të cilat, kohët e fundit u kishin vendosur gjobë kompanive që drejtojnë linjat e autobusëve në Tiranë.

Veliaj tha se Erland Dalliu dhe 'Anisa e Vithkuqit' emri i vërtetë i së cilës është Anisa Caka, janë pronarët te portalet ''JOQ'' dhe ''Lolita'' dhe ata gjobisin pronarët të autobusëve të kryeqytetit.

Në lidhje me këtë lajm të publikuar nga Report Tv ka reaguar edhe reperi i njohur Noizy, i cili siç duket është sulmuar nga këto dy faqe.

‘Normal që jeni negativa dukeni’- shkruan Noizy.

Në një postim tjetër shkruan: Ja çdo të thotë të bëheni publik. Jo të nxirrni tjetër dhe mos dilni dhe pak ju por pse jeni me nerva në foto se kuptoj.

 

M.Q./Shqiptarja.com