POP 5

Lajmet më të lexuara të 5 minutave të fundit

Bota

Konsullata e nderit e Shqipërisë në Ukrainë shkatërrohet plotësisht nga bombardimet ruse! Ministria e Jashtme: Autorët duhet të mbajnë përgjegjësi (VIDEO)

Konsullata e nderit e Shqipërisë në qytetin e Kharkivit në Ukrainë  është dëmtuar nga sulmet ajrore ruse. Denoncimin e ka bërë Ministria jonë e Jashtme. Ministria nuk tha nëse ka pasur viktima apo të plagosur si rezultat i prishjes së ndërtesës, por ka dhënë pamje nga vendi i ngjarjes.

Konsullata e nderit e Shqipërisë në qytetin e Kharkivit në Ukrainë  është dëmtuar nga sulmet ajrore ruse. Denoncimin e ka bërë Ministria jonë e Jashtme.

“Shqipëria dënon me vendosmëri veprimin rus në Kharkiv, i cili rezultoi në shembjen e ambasadës së nderit të Shqipërisë. Autorët do të përballen me pasoja”, thuhet në njoftimin e Ministrisë së Punëve të Jashtme.

Ministria nuk tha nëse ka pasur viktima apo të plagosur si rezultat i prishjes së ndërtesës, por ka dhënë pamje nga vendi i ngjarjes.

Konsulli i Nderit i Shqipërisë në Ukrainë është Shahin Omarov. Ai ka dhënë një intervistë për Report Tv pak ditë më parë ku tregoi situatën në qytetin, i cili është përballur keq me bombardimet nga ushtria ruse.

Në ‘Studio Live’ me gazetarët Arbër Hitaj dhe Migena Sotiri, Omarov tregoi se zgjohet çdo mëngjes dhe mbledh vullnetarë për të luftuar.

Kujtojmë se paraditen e sotme është publikuar një listë e miratuar nga Qeveria ruse me shtetet që ajo i konsideron armike që i kanë vendosur sanksione pas agresionit në territorin ukrainas. Në listë është përfshirë edhe Shqipëria. 

Shqipëria që prej ditës së parë të agresionit rus në Ukrainë ka qenë një prej vendeve më aktive në dënimin e këtij agresioni dhe në mbështetje të popullit ukrainas. Si anëtare jo e përhershme e Këshillit të Sigurimit, Shqipëria ka qenë penmbajtëse për diskutimet që janë bërë për këtë çështje në institucionin më të rëndësishëm të globit për çështjet e sigurisë. Shqipëria dhe SHBA paraqitën edhe një rezolutë që dënonte agresionin rus, e cila pasi nuk kaloi dot në Këshillin e Sigurimit për shkak të vetos së Rusisë, mori një votë të jashtëzakonshme në Asamblenë e Përgjithshme të Kombeve të Bashkuara.

Kharkiv, qyteti i dytë më i madh i Ukrainës ka qenë gjatë gjithë këtyre ditëve të luftës një objektiv kryesor i forcave pushtuese të Rusisë. Zona ka një vend të veçantë në versionin e historisë së Kremlinit, i cili e portretizon atë si vendin që demonstron marrëzinë e Ukrainës që përpiqet të jetojë veçmas nga Rusia. Trupat ruse u derdhën përtej kufirit vetëm 20 milje larg qytetit herët të enjten me banorët që raportuan për shpërthime të forta, të shkaktuara me sa duket nga predha artilerie ose raketa që zbarkonin në periferi të qytetit. Më afër Rusisë se çdo qytet tjetër i madh ukrainas, Kharkiv ka qenë prej kohësh i madh në pikëpamjen e Presidentit Vladimir V. Putin se Ukraina nuk është gjë tjetër veçse një shtojcë e Rusisë e rrëmbyer padrejtësisht nga makinacionet e të huajve dhe nacionalistëve të devijuar ukrainas.

 

Postimi i Ministrisë së Jashtme

 

K.T./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ogm: 08/03/2022 03:29

    Atje po vriten njeres kurse nuk e di kush qeka inatos per konsullaten e prishme,hajde shendet

    Përgjigju
  • Zheleznovi: 08/03/2022 00:12

    Prisni prisni se skeni psre gje akoma ajo Amerika qe ju keni varur shpresat do tju lere ne balte ashtu sic i la afganet ne meshire te fatit sa iken nga syte kembet qe te shpetonin nga talebanet.

    Përgjigju
  • Sondazhi i ditës:

    1 maji, a respektohen të drejtat e punëtorëve në Shqipëri?

Lajme të tjera



×

Lajmi i fundit

Lorenc Vangjel: Erion Veliaj fiton betejën me publikun! Strategjia e tij e përbashkët me kryeministrin është një kurth për opozitën

Lorenc Vangjel: Erion Veliaj fiton betejën me publikun! Strategjia e tij e përbashkët me kryeministrin është një kurth për opozitën

1 Maj, 22:47