Fotot/ Varrimi 100 mijë sterlina i grabitësit britanik që u vra nga pensionisti kthehet në kaos

Momentet e dhunës gjate varrimit

Gjatë jetës Henry Vincent i kishte terrorizuar njerëzit të cilëve u kishte shkuar nëpër shtëpitë e tyre për t’i grabitur.

Por ndërkohë që kriminelit të karrierës po i jepej lamtumira e fundit dje, të pranishmit dhanë një shfaqje të fortë në nder të së kaluarës së tij të dhunshme.

Të rinjtë e papërmbajtshëm qëlluan me gurë, shishe dhe vezë ndaj kalimtarëve teksa një delegacion me limuzina të stolisura me lule kaluan në jug-lindje të Londrës.

Një burrë që jeton në kishën pranë varrezës ku u bë funerali – që mendohet se kushtoi mbi 100.000 sterlina – u qëllua me vezë, ndërsa një fotograf u qëllua me grusht në fytyrë.

Henry Vincent u qëllua me thikë për vdekje nga pensionisti Richard Osborn-Brooks, 78 vjeç, teksa hajduti po përpiqej të vidhte në shtëpinë e tij.

Fillimisht Osborn-Brooks u arrestua me akuzën e vrasjes por më pas u mësua se ai nuk do të përballej me asnjë akuzë.

Rreth 200 pjesëmarrës ishin të pranishëm në funeralin që zgjati 30 minuta, ku ata kënduan këngët e tyre të preferuara pop.

Banorët e kishin bllokuar rrugën ku vdiq Vincent, në mënyrë që karvani i funeralit të mos kalonte atje.

Gazetarët që qëndronin jashtë kishës u qëlluan me gurë dhe anëtarët e familjes së të ndjerit i qëlluan me grushte fotografët nga veturat e tyre.

Majtas grabitësi famëkeq dhe djathtas pensionisti që e vrau

  • Sondazhi i ditës:

    Rihapet çështja Gërdeci, a mendoni se do të bëhet drejtësi për këtë tragjedi?

Komento

Komente

  • Kozetafecanji: 05/05/2018 10:45

    Mori ate qe meritonte kriminele ka kudo nuk ka vetem Shqiperia qe na quajne dele e zeze

    Përgjigju
  • Maks: 05/05/2018 08:18

    Ore po me cudisni mua hajd dhe keqbersa ka vetem ne shqiperi ne angli e perendim te gjith jan te mir dhe te edukuar mos gaboni rend kesht edhe droga prodhohet ne europ po edrejtojn shqiptaret europjanet jan vektima sepse shqiptaret i genjejn I thon pini se jan karamele qe tymosen.

    Përgjigju
  • Kafsha: 04/05/2018 16:13

    Mjerë kur njeriu le nga pas bajgërinë e tij!

    Përgjigju
  • Erik: 04/05/2018 14:58

    Kot e shajme veten ne shqiptaret, ka edhe me rende ne shoqerite moderne.

    Përgjigju


×

Lajmi i fundit

John

Tabaku: Shqiptarët shpenzuan 30 milionë mjekime anti-COVID, qeveria rimbursoi vetëm 1%! Kjo nuk duhet të jetë qeveria jonë