Asambleja Kombëtare Franceze dha sot dritën e gjelbër  se gjendja e jashtëzakonshme do të vijojë për 3 muaj. Ky ligj kish sjellë debate mes deputetëve,ndërkohë që shumë artikuj dhe ndryshime janë ende në diskutim. Një përfaqësues i partisë së Gjelbër u shpreh se gjendja e jashëtzakonshme duhej shtyrë për 3 muaj ndërsa Eric Ciotti, një politikan republikan tha se duhej shtyrë deri në 6 muaj.

“Gjendja e jashtëzakonshme do të shtrihet në të gjithë vendin. Ne jemi në luftë.” – u shpreh kryeminsitri francez Manuel Valls.
Asambleja është ende duke diskutuar rreth vendimeve për ligjet rreth  kontrollit të shtypit dhe “arrestimeve shtëpiake.”

“ Cdo gjë  që tregon se kemi të bëjmë me  një aktivitet terrorist do të ndiqet penalisht. 3000 forca ushtarake janë shtuar për të siguruar jetën e qytetarëve tanë. Atyre u janë shtuar 100.000 policëve dhe xhandarëve. Janë forcuar kontrollet kufitare, 102 pikat e autorizuara kufitare, 71 pika në dogana. Po ashtu janë forcuar kontrollet ne transportin ajror.”

Ndërsa përsa i përket ligjit rreth kontrollit të shtypit  asambleja propozoi të hiqet një dispozitë e vjetër e vitit 1955, tekst i cili lejoi censurimin e shtypit, radios shfaqjet teatrore dhe filmat. Jean Frederic Poisson, deputet republikan tha se ekziston një mungesë e kontrollit të mediave gjatë gjendjes së jashtëzakonshme.

“Ekziston  një rrezik për hetimet në mënyrën sesi kanalet televizive transmetojnë. Duhet të gjejmë metodat e kontrollitqë ruajnë liritë tona ”- u shpreh ai.