Franca, në krah të miliona qytetarëve në nevojë që do të preken nga kriza energjetike, 100 euro për person për të lehtësuar kostot

Foto ilustruese

Qeveria franceze ka njoftuar ditën e sotme një pagesë të menjëhershme prej 100 eurosh për çdo qytetar me të ardhura mujore neto 2,000 euro, për të ndihmuar në përballimin e rritjes së çmimeve të karburantit dhe energjisë.

Sipas ekspertëve inflacioni do të rritet automatikisht për rreth 38 milionë francezë, përfshirë ata që nuk drejtojnë makinë apo motor.

Pagesat e para do të shkojnë për punonjësit e biznesit në fund të muajit dhjetor. Nëpunësit civilë, studentët dhe pensionistët do të marrin  pagat e tyre në fillim të vitit 2022. Pagesa prej 100 eurosh do të jetë pa taksa dhe kryeministri francez Jean Castex tha se do t'i kushtonte qeverisë 3.8 miliardë euro. Kjo do të ishte shumë më pak se kostoja e uljes së tarifës së karburantit. Evropa po përballet me pakënaqësi të gjerë pas rritjes së çmimeve botërore të energjisë, kryesisht si rezultat i kërkesës së madhe nga bizneset që po rikuperohen nga paraliza e gjatë e COVID- 19. Trazirat e tregut të energjisë kanë pasur një efekt negativ, duke ndërprerë zinxhirët e furnizimit dhe duke shkaktuar disa mungesa të karburantit dhe mallrave të tjera të konsumit.

“Kufi mbi çmimet e gazit në familje do të qëndrojnë deri në fund të vitit 2022, pasi çmimet botërore të energjisë pritej të binin vetëm gradualisht. Rreth 13 milionë pensionistë dhe dy të tretat e studentëve do të jenë në mesin e atyre që do të marrin 100 euro. Ajo do të shkojë gjithashtu për rreth gjysmën e të gjithë punëtorëve, pasi 2,000 € janë të ardhurat mesatare neto mujore”, bëri me dije kryeministri francez.

Mjetet e transportit rrugor janë goditur përgjithësisht nga rritja e çmimeve të karburantit pasi nafta është rritur në një rekord 1.56 euro për litër në Francë dhe benzina pa plumb në 1.62 euro për litër.

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rishfaqen nostalgjikët e diktatorit, a duhet bërë dekomunistizimi i shoqërisë shqiptare?



×

Lajmi i fundit

John

Përhapja e variantit 'Omicron' të COVID, OBSH thirrje: Personat me probleme shëndetësore dhe ata mbi 60 vjeç të shmangin udhëtimet