POP 5

Lajmet më të lexuara të 5 minutave të fundit

Bota

Franca në krizë politike/ Presidenti Macron negociata për qeveri të re! Opozita gati, kusht reforma e pensioneve

Presidenti francez Emmanuel Macron vijon takimet me politikanët për qeverinë e re. Opozita socialiste shfaqet e gatshme për të negociuar duke vënë kusht ngrirjen e reformës që rrit moshën e daljes në pension nga 62 në 64 vjeç. 

17.5 milionë shikues ishin para ekranit për mesazhin e presidentit Emmanuel Macron në pritje të emrit të kryeministrit të ri. Pas takimeve në Pallatin Elysee me aleatë dhe politikanë, Macron nuk e kishte një kryeministër të ri për Francën pas rrëzimit të qeverisë së Michel Barnier.

Presidenti francez përjashtoi mundësinë e dorëheqjes së shumë kërkuar nga opozita, duke thënë se do të qëndrojë deri në fund të mandatit të tij në vitin 2027. 

Cinizëm politik e quajti Macron kaosin e politikanëve opozitarë me rrëzimin e qeverisë me mocion mosbesimi duke i dhënë fund koalicionit të pakicës së kryeministrit të djathtë Barnier vetëm 3 muaj në pushtet.

Të shtunën Franca rihap katedralen ‘Notre Dame’ pas zjarrit shkatërrues të 2019 ku liderët e disa shteteve do jenë në ceremoni dhe koha po ecën pas për Macron që në këtë event drejtuesit e shteteve mes tyre Donald Trump t’i presë me një kryeministër të ri.

Ai do të emërojë kryeministri e ri në ditët në vijim dhe për formimin e një qeverie me interes të përgjithshëm po vijon takimet me liderë e politikanë. 

Opozita socialiste është gati të negociojnë deklaroi sekretari i partisë  Olivier Faure, por kërkon ngrirjen e reformës së pensioneve. Shfuqizimi i reformës që rrit moshën e daljes në pension nga 62 në 64 është një mur i pakapërcyeshëm për Frontin e Ri Popullor .

‘La France Insoumise’ pra partia e Jean-Luc Mélénchon me të cilën ai bën pjesë në bllokun e Fronti i Ri Popullor i majtë , e kanë "përjashtuar veten nga diskutimi".

Teksa Franca ka hyrë në një periudhë trazirash politike, Elysee tha se qeveria e rrëzuar Barnier do të merret me çështjet aktuale derisa të emërohet një e re.

K.M/I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57