Më shumë se 1.500 veprime dhe deklarata antisemitike janë regjistruar në Francë që nga shpërthimi i luftës së Izraelit me Hamasin- grup palestinez i shpallur organizatë terroriste nga Shtetet e Bashkuara të Amerikës dhe Bashkimi Evropian - tha të martën ministri i Brendshëm, Gerald Darmanin.
Ndërsa ka nisur lufta në Rripin e Gazës, janë rritur tensionet në Francë, shtet në të cilin jetojnë komunitetet e mëdha hebreje dhe myslimane.
“Ka pasur 1.518 veprime apo deklarata antisemitike”, tha Darmanin në një intervistë për transmetuesin Europe 1.
Kjo shënon rritje për më shumë se trefish në krahasim me të gjithë vitin 2022 kur u regjistruan 436 veprime apo deklarata antisemitike.
“Këto janë kryesisht etiketime dhe fyerje por ka edhe sulme dhe lëndime”, tha Darmanin.
Këto veprime rezultuan me 571 arrestime, tha ministri për AFP. Në fund të tetorit, prokurorët e Parisit hapën hetim për një incident pasi dhjetëra Yje te Davidit u shfaqën në ndërtesat në qytet dhe në periferi.
Franca ka akuzuar Rusinë për ndërhyrje në punët e saj duke shpërndarë foto në internet të grafiteve antisemitike.
Darmanin tha se ka pasur gjithashtu incidente antimuslimane "por, ato nuk janë në shkallën e asaj që ne po shohim për sa i përket antisemitizmit".
Ai tha se disa xhami kishin marrë kërcënime për dhunë. Ministria e Drejtësisë tha për AFP të hënën se janë hapur 330 hetime për akte antisemitike dhe justifikimet e terrorizimit, që nga 7 tetori.
Të dielën, më shumë se 180.000 njerëz marshuan kundër antisemitizmit në Francë. Marshimi u zhvillua një ditë pasi mijëra njerëz demonstruan në Paris nën thirrjen "Stop masakrës në Gaza".
Më 7 tetor, grupi ekstremist palestinez Hamas filloi një sulm në Izrael, duke vrarë rreth 1.200 njerëz, kryesisht civilë, dhe duke marrë peng rreth 240 të tjerë, sipas zyrtarëve izraelitë.
Izraeli është kundërpërgjigjur me një bombardim të Rripit të Gazës dhe një pushtim tokësor, duke vrarë më shumë se 11.100 njerëz, shumë prej tyre fëmijë, sipas Ministrisë së Shëndetësisë në Gazën e drejtuar nga Hamasi./REL
Lajme të tjera
-
A ka ndryshuar qëndrimi i Francës karshi Kosovës ndër vite?
25 Prill, 13:55 -
Francë/ Qëllohet me armë këngëtari cigan, fitoi 'The Voice'
23 Prill, 10:17 -
Francë,2 vajza goditen me thikë para shkollës! Arrestohet autori
18 Prill, 17:09 -
Shqipëria dhe Franca forcojnë bashkëpunimin në administrimin e pyjeve
13 Prill, 19:09 -
Ku ndryshojnë vizita e Ramës me atë të Vuçiç në Paris
13 Prill, 08:47
-
'STACIONI F', Rama viziton qendrën më të madhe të inovacionit në Francë: E sjellim edhe në Shqipëri
12 Prill, 20:40 -
Rama vizitë zyrtare në Paris, Macron: Këshill Francë-Shqipëri për Inovacionin! Kryeministri: Presim krahëhapur gjithçka vjen nga ju
12 Prill, 07:23 -
Rama në Francë: Rrisim bashkëpunimin mes dy vendeve! Nesër pritet nga Macron, pamjet e mbërritjes në aeroport me bashkëshorten (AXHENDA)
11 Prill, 09:36 -
Vuçiç thotë se ka arritur marrëveshje me Francën për blerje të aeroplanëve luftarakë
9 Prill, 19:18 -
Francë/ Kryebashkiakes i gjejnë 70 kg kanabis në shtëpi
9 Prill, 12:34 -
Macron: Të përmbushet marrëveshja për normalizimin e marrëdhënieve Kosovë – Serbi
9 Prill, 07:16 -
Vuçiç vizitë në Francë, i ankohet Macronit: Kosova s'ka bërë asgjë për përparimin e dialogut
8 Prill, 21:35
