Francë/ Po transportonin rreth 70 kilogramë kanabis, dy shqiptarët marrin dënime të ndryshme pasi njëri bashkëpunoi me drejtësinë

Francë/ Po transportonin rreth 70 kilogramë kanabis, dy shqiptarët marrin dënime të ndryshme pasi njëri bashkëpunoi me drejtësinë

Dy shqiptarë, një 43-vjeçar dhe një 25-vjeçar, janë paraqitur para gjykatës së Nancyt në Francë, këtë të mërkurë, pasi u kapën me një sasi prej 67.4 kilogramë kanabis, në një nga kabinat e kontrollit të doganës Gye më 22 nëntor.

Pavarësisht se ishin bashkëpunëtorë në krim, 43-vjeçari Xhevair Mahmutaj dhe 25-vjeçari i identifikuar si Lulzim Dedja, nuk kanë marrë dënim të njëjtë nga drejtësia franceze.

Sasia e kanabisit u gjet në makinën tip “Citroen Berlingo’, e cila po drejtohej nga 43-vjeçari, i cila ka pranuar krimin duke arsyetuar se pranoi pagesën prej 5000 eurosh nga një bandë për transportimin e sasisë narkotike drejtë Spanjës, pasi ndodhej në gjendje të vështirë ekonomike dhe po luftonte për mbijetesë.

Arrestimi i tij nuk u bë aq lehtë, pasi u përpoq t’i shpëtonte autoriteteve franceze, por pa sukses.

Ndërsa shqiptari tjetër 25-vjeçar dyshohet se ka patur rolin e “vëzhguesit” në këtë proces, por e ka mohuar këtë akuzë kategorikisht.

Ai ishte pas makinës “Citrone Borling” me automjetin e tij tip “Volksëagen Touran”.

Dyshimet për rolin kontrollues të 25-vjeçarit në transportimin e kanabisit janë përforcuar pasi rezulton se dy automjetet kanë bërë së bashku një rrugë shumë të gjatë.

Gjithashtu, drejtuesi i makinës “vrojtuese” ka telefonuar 10 herë drejtuesin e mjetit të ngarkuar me kanabis.

Gjykata “shpërbleu” bashkëpunëtorin e drejtësisë. Raportohet se 25-vjeçari i cili nuk pranoi pjesëmarrjen në krim, u dënua me 3 vite burg, ndërsa bashkatdhetari i tij, që sqaroi ngjarjen u dënua me 2.5 vite burg.

K.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kuvendi miraton ndërtime strategjike në zonat e mbrojtura, si e vlerësoni?



×

Lajmi i fundit

Avokatja bën deklaratën e fortë: Besi dhe Xhensila manovër me divorcin për të shpëtuar pasurinë

Avokatja bën deklaratën e fortë: Besi dhe Xhensila manovër me divorcin për të shpëtuar pasurinë