POP 5

Lajmet më të lexuara të 5 minutave të fundit

Politikë

FRD: Berisha rrezik i madh, koha për rotacion politik

Sipas FRD-së raporti konfirmon dështimin e politikës së vjetër, sidomos të qeverisë.
TIRANE- Fryma e Re Demokratike e quan “realist dhe korrekt në paraqitjen e problematikave kryesore” raportin analitik të të kreut të Prezencës së OSBE-së në Shqipëri paraqitur në Këshillin e Përhershëm të OSBE-së. Sipas FRD-së raporti konfirmon dështimin e politikës së vjetër, sidomos të qeverisë.

“Në pamundësi për të qeverisur me programe e alternativa, të shtyra nga dëshira e pakontrolluar për të qëndruar në pushtet me çdo kusht dhe me pazare politike që përfshijnë politikën, institucionet, pronën publike dhe pasuritë kombëtare, mazhoranca e sotme politike e ka humbur tërësisht besimin publik tek aftësia e saj për mirëqeverisje, si dhe po e bën vendin tonë, siç edhe del nga raporti, në një model të dështuar të shtetit të së drejtës dhe demokracisë.”- thuhet në deklaratën për shtyp të FRD-së.

FRD vlerëson se ky dëm i madh që i bëhet vendit, meriton një angazhim e reflektim publik qytetar e institucional, “për të parandaluar rrëshqitjen drejt oligarkisë dhe penalizimit ndërkombëtar të vendit për shkak të regresit në fusha të rëndësishme të jetës institucionale e politike”. Një qeveri- vazhdon deklaratën FRD- që i jep vetes atribute të qënies mbi ligjet, mbi gjykatat, mbi kushtetutën dhe mbi të drejtën e qytetarëve për transparencë dhe kontroll të qeverisjes jo vetëm nuk ka më të drejtë të flasë në emër të publikut dhe qytetarëve, por edhe është shndërruar në rrezik potencial për qytetarët dhe interesat publike.” FRD shton se është një përgjegjësi më shumë për të punuar pareshtur me qytetarët, opinionin publik dhe partnerët tanë ndërkombëtarë “për të larguar me votë të lirë klikën që keqqeveris vendin dhe që siç thotë edhe OSBE, 22 vjet pas rënies së sistemit autoritar komunist, po tenton të instalojë përsëri një sistem piramidal dhe personal, të pavotuar dhe pa kredenciale morale.”
(sg/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Qeveria vendos kompensimin financiar të pronarëve që preken nga ndërtimet e legalizuara: Mbi 1 mld lekë për rreth 9 hektarë

Qeveria vendos kompensimin financiar të pronarëve që preken nga ndërtimet e legalizuara: Mbi 1 mld lekë për rreth 9 hektarë

10 Janar, 16:50