POP 5

Lajmet më të lexuara të 5 minutave të fundit

Shëndeti

Frika nga fruthi, prindërit ‘skeptikë’ vaksinojnë fëmijët! Mjekja në Kukës: Këtë javë u rrit interesi për vaksinën

Prindërit që kishin refuzuar vaksinën e fruthit nga frika e autizmit sot po nxitojnë në qendra shëndetësore pasi në vend janë shfaqur rastet e para te fëmijëve të sëmurë. Mjekët në Kukës thanë se ka një sensibilizim të lartë për të bërë vaksinën

Përhapja e fruthit në vendin tonë ka vënë në lëvizje prindërit të cilët po vaksinojnë fëmijët, edhe pse më parë ishin skeptikë ndaj kësaj vaksine.

“Një pjesë e prindërve nuk kanë vaksinuar fëmijët me vaksinën e fruthit me mendimin që shkakton autizëm. Unë ju bëj thirrje që të bëjnë vaksinën sepse ndihmon.  Nuk rekomandohet marrja e medikamenteve në shtëpi. Personeli mjekësor është në gatishmëri”.- tha Fiqerete Dervishi, mjeke.

Gjatë kësaj jave ka pasur sensibilizim të lartë për tu vaksinuar, si e vetmja mënyre për tu mbrojtur nga infeksioni që jep komplikacione tek fëmijët e pavaksinuar.

“Ka pasur interesim. Edhe ata fëmijë që e kanë shtyrë për arsye skepticizmi kanë ardhur ta bëjnë vaksinimin. Ka interesim dhe nga grupmoshat e tjera që nuk e kanë bërë vaksinën. Vaksina ka. Vaksina nuk jep asnjë lloj defekti tek fëmijët sepse fruthi është një sëmundje goxha e rëndë”.- tha Lume Elezaj, mjeke pediatje.

Aktualisht në Shqipëri janë konfirmuar nga ISHP 17 raste me fruth, të shpërndara në Tiranë, Durrës dhe Krujë. Ndërsa në Kukës nuk ka asnjë rast të identifikuar me fruth, por bluzat e bardha bëjnë thirrje që të paraqiten menjëherë tek mjeku nëse fëmijët kanë temperaturë të lartë dhe probleme me lëkurën.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Trafikoi heroinë drejt Italisë, arrestohet në Durrës 65-vjeçari me dy emra

Trafikoi heroinë drejt Italisë, arrestohet në Durrës 65-vjeçari me dy emra

27 Prill, 12:48