POP 5

Lajmet më të lexuara të 5 minutave të fundit

Bota

Frikë nga një sulm ushtarak nga Rusia, SHBA urdhëron të largohen nga Ukraina familjarët e diplomatëve amerikanë, thirrje edhe qytetarëve

SHBA ka urdhëruar të afërmit e stafit të ambasadës së saj në Ukrainë që të largohen nga vendi, pasi po rritet frika nga një pushtim rus

Frikë nga një sulm ushtarak nga Rusia, SHBA urdhëron të largohen nga Ukraina familjarët e diplomatëve amerikanë, thirrje edhe qytetarëve

SHBA ka urdhëruar të afërmit e stafit të ambasadës së saj në Ukrainë që të largohen nga vendi, pasi po rritet frika nga një pushtim rus. Stafit jo thelbësor të ambasadës u është thënë gjithashtu se mund të largohen si dhe qytetarëve amerikanë u është kërkuar të bëjnë të njëjtën gjë.

Departamenti i Shtetit tha se ambasada mbetet e hapur, por se një pushtim rus mund të ndodhë "në çdo kohë". Rusia ka mohuar të ketë ndonjë plan për veprim ushtarak në Ukrainë.

Departamenti i Shtetit paralajmëroi gjithashtu njerëzit që të mos udhëtojnë në Ukrainë dhe Rusi për shkak të tensionit të vazhdueshëm dhe "potencialit për ngacmim ndaj qytetarëve amerikanë".

"Ka raportime se Rusia po planifikon një veprim ushtarak kundër Ukrainës," u tha nga Departamenti i Shtetit.

Një zyrtar i Departamentit të Shtetit i tha agjencisë së lajmeve AFP, nëse do të ndodhte një pushtim rus, qeveria amerikane "nuk do të jetë në gjendje të evakuojë qytetarët amerikanë në një rast të tillë".

Lëvizja e SHBA-së është pjesë e një sërë masash paraprake që Departamenti i Shtetit përdor kur krizat mund të vënë në rrezik diplomatët amerikanë, raporton Barbara Plett Usher e BBC-së.

Mendohet se asgjë specifike gjatë 24 orëve të fundit nuk e ka shkaktuar vendimin.

Kreu i aleancës së mbrojtjes ushtarake të NATO-s ka paralajmëruar se ekziston rreziku i një konflikti të ri në Evropë pasi rreth 100,000 trupa ruse janë grumbulluar në kufi.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 23 Janar, 09:41

    Secila parti në zgjedhje me 46 deputetët e parë të fiksuar, si e vlerësoni?

Lajme të tjera



×

Lajmi i fundit

Kryeministri maqedonas, takon familjen shqiptare në SHBA: Janë shembull suksesi

Kryeministri maqedonas, takon familjen shqiptare në SHBA: Janë shembull suksesi

23 Janar, 19:09