POP 5

Lajmet më të lexuara të 5 minutave të fundit

Bota

Frikë për Tajvanin! Presidenti kinez bën deklaratë të fortë: Ribashkimi me Kinën, i pashmangshëm

“Ribashkimi” i Tajvanit me Kinën është “i pashmangshëm”, deklaroi presidenti kinez Xi Jinping në një fjalim të mbajtur me me rastin e 130 vjetorit të lindjes së themeluesit të Republikës Popullore të Kinës, Mao Ce Dun

Frikë për Tajvanin! Presidenti kinez bën deklaratë të fortë: Ribashkimi me Kinën, i pashmangshëm

Xi Jinping

“Ribashkimi” i Tajvanit me Kinën është “i pashmangshëm”, deklaroi presidenti kinez Xi Jinping në një fjalim të mbajtur me me rastin e 130 vjetorit të lindjes së themeluesit të Republikës Popullore të Kinës, Mao Ce Dun.

Xi përsëriti kështu qëndrimin e përvijuar prej kohësh të Pekinit për demokracinë e ishullit të vetëqeverisur përpara zgjedhjeve vendimtare atje muajin e ardhshëm. Por deklarata e tij, tingëlloi këtë herë, më shumë si një paralajmërim.

“Realizimi i ribashkimit të plotë me atdheun është një rrugë e pashmangshme zhvillimi, është e drejtë dhe ajo që do populli. Atdheu duhet dhe do të ribashkohet”, tha Xi Jinping.

Komentet e tij, thotë CNN, i bëjnë jehonë pohimeve të mëparshme të Xi, njëri prej liderëve  më të fuqishëm të Kinës që nga koha e Maos. Në fakt, ai duket se e po e kthen rimarrjen e Tajvanit në një gur themeli të synimit të tij me të gjerë për të “rinovuar” Kinën, e për ta projektuar si në një vend me fuqi dhe pozitë globale.

Megjithatë, fjalët e tij marrin tani një rëndësi të veçantë sepse vijnë vetëm disa javë përpara zgjedhjeve kyce presidenciale në Tajvan, ku pikëpamjet e ndryshme të partive politike për marrëdhëniet me Kinën, shpesh i kthejnë votimet edhe një test mbi ndjenjat publike në lidhje me Pekinin.

Tensionet e Kines me Tajvanin janë ashpërësuar sidomos vitet e fundit nën udhëheqjen e presidentes Tsai Ing-wen, e cila shihet gjerësisht si kultivuese e fortë e marrëdhënieve të ishullit me Shtetet e Bashkuara.

 

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 23 Janar, 09:41

    Secila parti në zgjedhje me 46 deputetët e parë të fiksuar, si e vlerësoni?

Lajme të tjera



×

Lajmi i fundit

Aplikimet në KQZ, 60 mijë kërkesa nga diaspora për të votuar më 11 maj! 36 mijë emigrantë u regjistruan

Aplikimet në KQZ, 60 mijë kërkesa nga diaspora për të votuar më 11 maj! 36 mijë emigrantë u regjistruan

23 Janar, 18:16