Tajvani u ka kërkuar grave ushtarake në pension të dalin vullnetarisht si rezerviste për të ndihmuar në forcimin e aftësive ushtarake përballë agresionit kinez. Korrespondentja e Zërit të Amerikës, Katie Tam njofton nga Taipei për disa nga gratë e para që e kanë pranuar thirrjen.
Në janar, ushtria e Tajvanit njoftoi planet për të përfshirë ish anëtaret gra të ushtrisë në stërvitjet për rezervistë. Grupi i parë i përbërë nga 14 gra kanë treguar vendosmëri për të përmirësuar gatishmërinë luftarake të ishullit.
“Pres me padurim që më shumë oficere dhe ushtare gra t'i bashkohen stërvitjes në të ardhmen. Tajvani është në pararojë të mbrojtjes së demokracisë globale. Ne duam që bota të shohë vendosmërinë tonë për të mbrojtur vendin tonë pavarësisht gjinisë”, tha Tsai Ing-wen, presidente e Tajvanit.
Tajvani ka rreth 2.3 milionë pjesëtarë në personelin ushtarak me kohë të plotë dhe rreth 1.6 milionë rezervistë. Shërbimi ushtarak dhe stërvitja për rezervist është e detyrueshme për burrat tajvanezë.
Përballë rënies së numrit të lindjeve, në vitin 2006 ushtria e Tajvanit filloi të rekrutonte gra për ushtrinë me kohë të plotë. Sot, rreth 9,800 pensionistë ushtarakë janë gra.
Ata që dalin vullnetarë si rezervistë duhet të jenë në gjendje të përballojnë ushtrime rigoroze fizike për të marrë pjesë në nivelet luftarake.
Veterania e marinës Lynn Yeh, ish kapitene e ushtrisë që ka shërbyer për 22 vjet nuk ka dalë vullnetare për tu bërë rezerviste, por ajo thotë se grupi i parë i grave që shkonin për stërvitje ringjalli interesin e saj për të fituar aftësi të specializuara, si shuarja e zjarrit në bordin e anijeve luftarake ose përdorimin e raketave të reja që lëshohen nga nëndetëset.
Ajo thotë se çdo qytetar duhet të jetë i stërvitur, i armatosur dhe i gatshëm për të mbrojtur ishullin vetëqeverisës që Kina e sheh si territorin e saj.
“Është një gjë e mirë që si burrat ashtu edhe gratë shërbejnë në ushtri sepse kur ndodh lufta, pavarësisht gjinisë, duhet të përballesh me të. Ne jemi dy herë më të fuqishëm nëse të gjithë kanë aftësitë bazë ose aftësi mbrojtëse”, thotë Lynn Yeh Taiwain, veterane e marinës.
Kolonelja Chang Ling-ling u bë rezerviste pasi doli në pension vitin e kaluar. 53-vjeçarja është stërvitur për mirëmbajtjen e armëve dhe gjuajtjen me pushkë të vjetra. Pasi të mësojë të përdorë armë më të reja, ajo dëshiron të mbrojë Tajvanin.
“Kur ndodh një gjendje e jashtëzakonshme, unë mund të dal në vijën e parë të frontit menjëherë. Mendoj se është përgjegjësia ime”, thotë Kolonelja Chang Ling-ling.
Ajo e thotë këtë për të vërtetuar se ushtarët, pavarësisht nga mosha apo gjinia, mund të luajnë rol në mbrojtjen e Tajvanit./VOA
Lajme të tjera
-
Zbulimi i bujshëm/ Media amerikane: Elon Musk mbante kontakte të rregullta me presidentin Putin prej 2 vitesh
25 Tetor, 19:59 -
SHBA-ja dhe Filipinet nisin stërvitje ushtarake një ditë pasi Kina rrethoi Tajvanin
15 Tetor, 09:32 -
Tajvan, Kina rrethon ishullin me avione dhe anije! Pekini: Paralajmërim i ashpër për Forcat e Pavarësisë! SHBA: Jemi të shqetësuar
14 Tetor, 07:54 -
Sërish tensione midis Kinës dhe Tajvanit, shkak aeroplanmbajtësja në jug të ishullit
13 Tetor, 12:37 -
SHBA stërvit trupa elitë për të ndihmuar Tajvanin nga Kina: Po trajnohet njësia që vrau Osama bin Ladenin në 2011-n
12 Shtator, 21:10 -
VIDEO/ Tërmeti i fortë shkund Tajvanin dhe lëkund kullat qindrakatëshe! Ja sa ishte forca sizmike dhe epiqendra
16 Gusht, 08:08 -
Kina kërcënon se do të shqiptojë dënime me vdekje për 'separatistët' në Tajvan
21 Qershor, 12:30 -
Ligjvënësi amerikan McCaul, mesazh Tajvanit: Armët po vijnë, Kina po bën lojë të rrezikshme
27 Maj, 09:10 -
Kina fillon stërvitje ushtarake rreth Tajvanit
23 Maj, 08:36 -
Tërmeti në Tajvan/ Infermieret ‘heroina’ vrapojnë për të shpëtuar foshnjat në inkubator (VIDEO)
5 Prill, 22:24 -
Tajvan/ 12 të vdekur nga tërmeti, ende dhjetëra të zhdukur
5 Prill, 15:06 -
Tërmet me magnitudë 7.4 ballë në Tajvan, më i forti në 25 vitet e fundit! Ndërtesa të shembura dhe njerëz nën rrënoja (VIDEO + FOTO)
3 Prill, 08:23
