Frontline/ Ironia e Spahiut: Nuk vihet në pushtet duke sulmuar Amerikën dhe Prokurorinë! Një protestë 2 orë pastaj 2 muaj plazh, muk e dobëson Edi Ramën

Tirane- Protesta e mbrëmjes së sotme të Partisë Demokratike ku u hodhën molotovë përpara kryeministrisë dhe më pas drejt bashkisë u diskutua në Frontline.

Skerdjan Dhuli, Flogert Muça, Redjan Dedja, Poli Hoxha dhe Kreshnik Spahiu komentuan për Marsela Karapançon tubimin e fundit të militantëve të Berishës.Deda shprehet se protesta nuk arriti qëllimin, pasi kryeqyteti e bojkotoi masivisht.

'Kjo protestë nuk e realizoi qëllimin. Ka qenë testimi i lidershipit të Berishës me marrjen e vulës dhe logos. Ka qenë një test tek demokratët për të parë pjesëmarrjen sa do ti përgjigjeshin anëtarët. Këta protestues duhet ti kenë zili protestat e Lulzim Bashës, kanë qenë më të zgjatura, më të dhunshme. Sot si asnjëherë berisha duhet të ketë një strategji si të bashkojë strukturuar. Dështim në numra i protestës, krejtësisht modeste. Nuk ka asnjë lloj risie dhe asnjë lloj lajmi. Molotovët nuk janë lajm. Këmbanë alarmi për lidershipin e PD-së për të reflektuar thellë, të hapet partia. Tirana e ka bojkotuar masivisht. Nëse demokratët e Tiranës do bashkoheshin do ishte masive.'

LEXO EDHE:
Jakin Marena: Kujt i duhej ‘sakrifica’ e Gjekmarkajt në prag të Natës së Krishtit?!

Dhuli i sapoardhur nga protesta thekson se pa entuziasëm në turmë.

'Pashë dhe entuziasëm. Unë jam kundër kësaj zgjedhje për mesazhet e protestës. Askush të mos pres që disa mijë njerëz të rrëzojnë qeverinë. Protesta është për të lëshuar mesazhe, se PD është 100% e bashkuar. Numri i demokratëve që nuk duan Berishën është shumë i vogël. Organizimi i PD-së është i tillë që protestën e lë në dorë të qytetarëve. Mos prisni që 600 mijë demokratë që ka PD ti shihni në shesh. Nëse ndodh Rama rrëzohet në sekondë. Unë kurrë nuk do e zgjidhja këtë datë, kur janë 40 gradë temperatura.'

Muça bëri ironi duke thënë se pas kësaj proteste Rama pranoi nga Uashingtoni qeverinë teknike, ndërsa Dumani pranoi lirimin e Berishës.

'Dumani ka pranuar lirimin e Berishës, Rama nga Uashingtoni ka pranuar qeveri teknike. Përtej shakave. Qëllimi i protestës ka dështuar. Ti ke një kauzë. Proteston për një x çështje. Thelbi është kur ke kauz nëse nuk trajtohet dhe shkon ulëret protestën e kthen në qëllim në vetvete. Kjo nuk është protestë, është fushatë elektorale. Sinonimi i vandalitetit është Berisha. Ishte manifestim për të treguar forcën që pas vulës jemi më të fortë. E pamundur të mos i shohësh shifrat kur do të mundësh Ramën. Vula nuk ia rritur numrat Sali Berishës.'

Dhuli shtoi se ndahet nga disa deputetë të PD-së, si Noka apo të tjerë që ka dashuri ta pakufijshme për Berishën.

'Unë e Noka dashurinë për Berishën nuk e kemi të njëjtë. Në PD ka shumë njerëz që mendojnë ndryshe. Demokratët janë po ata. Unë që kam qenë në protestë në 7 korrik jam po i njëjti.'

Poli Hoxha vuri re faktin se gjatë protestës pati një abandonim ndaj ish deputetit të Bashës, Kreshnik Çollakut nga turma berishiste.

'Protesta anën formale pati bashkimin. Duhet të ishte më e plotë. Vazhdojnë bëjnë krimin. Kanë vetëm një kauzë Lironi Berishën dhe hajt të zhbëjmë SPAK. Fjalimi i Berishës jo sikur ishte në protestë. Nuk ka më vend, vetëm kur del populli mund të flasim për numra. Këto protesta nga partitë vetëm Shqipëria po i bën. Edhe Vuçiçi kur thërret 100 mijë veta i thërret në emër të nënës Serbi dhe jo në emër të partisë së vet. Vetëm ne bëjmë protesta për partitë. Për mua kjo protestë ishte kombëtar dhe ky është maksimumi.

Celebrimi i bashkimit do ishte ky dhe nuk pamë gjë. Aty ku ishin. E di mirë që është kërkuar një njeri i thjeshtë nga grup seksioni i Bashës që të dalë e të thotë po iki nga Basha, një s’kemi parë. Kaloi një muaj dhe një nuk kemi parë ne nga grupi i Bashës. Nuk kemi parë një të dalë e të bashkohet përveç Çollakut, që ishte larg. Gjithë ajo turmë mbante nga Kreshniku një distancë higjenike. Ka ngelur një grup te bashkia, kanë kunjën më të madhe me Lali Erin dhe jo me kokën. Ti je më i butë me kokën e Meduzës se sa me këmbën.'

 Spahiu e shikon si hipokrizi pasi këta protestues kanë 30 vite që protestojnë kundër Metës dhe sot e kishin si lider dhe hero.

'Mendoj se protesta ia ka arritur qëllimi që kishte Berisha. E përdori turmën për interesat e Metës. Kjo do mbahet mend si kulmi i imoralitetit i një turme që për 30 vite ka protestuar kundër Metës ndërsa sot ishte hero. Jam kurioz ato shkallët që i përdornin për tu ngjitur tek Basha nuk i përdorin tek Rama. Gjatë analizës Flogerti tha me ironi që ka dy lajme të mira, shpallet qeveria teknike dhe që Dumani liron Berishën. Unë them që Rama pranon të fusin në qeverinë teknike përsëri Gaz Bardhin. Shqiptarët duhet të kenë memorie. E zëmë se u shpall qeveria teknike, por kjo opozitës humbjen më të thellë e shënoi në qeverinë teknike me Ramën dhe Bardhi ishte ministër.

Më tej ai thotë se qeveria nuk rrëzohet me protesta anti-amerikane dhe kundër SPAK.

'Në protokollin e protestës folën jo rastësisht vetëm dy figura politike, të tjerët nuk ishin eksponentë politikë. Të gjithë të tjerët i la në shesh, nuk e bëri rastësisht. Nga sot askush nuk është i sigurt në listën e deputetëve. Unë e di si funksionon ai 6 muaj para zgjedhjeve. E ka si burim pushteti. Jo rastësisht dha mesazhin që i vetmi i sigurt është Meta. Kishte dy sulme, kundër amerikanëve dhe kundër SPAK. Pra  fjalimet ishin që liderin e opozitës e vendos populli. Nga ana tjetër, pjesa më e parëndësishme është numri për ta. Ai merr një turmë dhe ia vë në dispozicion Metës.'

Rendit zhvillimet sipas orarit:

Të Fundit Të Parat

G.K/S.G/Shqiptarja.com

TAG:
• frontline
• reldar dedaj
• flogert muca
• Skerdjan Dhuli
• poli hoxha
• Kreshnik Spahiu
• Protesta
• PD