POP 5

Lajmet më të lexuara të 5 minutave të fundit

Sociale

‘Fshati i depozitave’, prej vitesh fshati Ruzhdie në Patos pa ujë, banorët: Puset i hapim me forcat tona, ata që s’kanë u japim ne! Asnjë investim në 30 vite

Në Ruzhdie të Patosit rreth 300 banorë vuajnë mungesën e ujit të pijshëm. Në këtë fshat nuk ka rrjet ujësjellës dhe banorët kanë hapur puse, të cilët nuk plotësojnë gjithë nevojat e tyre. Gjithashtu rruga është tejet e amortizuar.

Në çdo shtëpi të Ruzhdies gjen depozita uji mbi çati. Banorët e këtij fshati të Bashkisë së Patosit vuajnë mungesën e ujit të pijshëm.

Rrjeti ujësjellës, ndërtuar në kohën e komunizmit ka dalë jashtë funksionit, ndaj banorët në 3 dekadat e fundit kanë hapur puse me shpenzimet e tyre. Përmes pompave uji shkon në depozita, por përdoret vetëm për larje. Ndërsa ujin e pijshëm janë të detyruar ta blejnë.

“Këtë ujë me forcat tona, me puse, ata që s’kanë puse u japim ne. 30 vjet në këtë gjendje! Disa kanë nxjerr ujë me sonda, por shkon 6-7 mijë euro”, thanë disa banorë.

“Ne këtë ujin e puseve vetëm për të larë e përdorim se ka gëlqere nuk e përdorim për të pirë, jemi të detyruar ta blejnë”, u shpreh një grua.

Uji i pijshëm nuk është i vetmi shqetësim për 300 banorët e Gjinoqares. Ata thanë se rruga është e amortizuar dhe prej vitesh pushteti lokal nuk ka kryer asnjë investim në zonë.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Më shumë se 40 të vrarë nga sulmet pakistaneze në Afganistan

Më shumë se 40 të vrarë nga sulmet pakistaneze në Afganistan

25 Dhjetor, 22:18