POP 5

Lajmet më të lexuara të 5 minutave të fundit

Sociale

Fshati në Poliçan pa infermier, gjilpërat i bën veterineri! Banorët e Zhitomit: Të sëmurët i çojmë me kafshë! Qendra shëndetësore është shembur, më e afërta është 80 km larg

Vetëm 18 km larg Beratit, fshati Zhitom nuk ka rrugë dhe as qendër shëndetësore. Për të marrë shërbime mjekësore banorëve u duhet të udhëtojnë 80 kilometra larg, dhe në këto kushte zgjedhin që injeksionet t’ua bëjë veterineri i fshatit. Transportin e bëjnë me kafshë, ndaj kërkesa e tyre kryesore shkon për ndërtimin e një rruge.

Fshati Zhitom, pjesë e Bashkisë së Poliçanit ndodhet vetëm 18 kilometra larg qytetit të Beratit, por kushtet janë si në mesjetë.

Ata nuk kanë një qendër shëndetësore dhe për të kryer injeksionet, i drejtohen veterinerit të fshatit.

‘Kemi fatin e mirë që kemi veterinerin këtu’, shprehet një banor i fshatit.

“Ja kemi një veteriner dhe ai nga e keqja i bën. Edhe pse i bën ka frikë  me mundim të madh se mos pësojmë gjë, apo mos kemi ndonjë efekt anësor”, thotë një banore tjetër.

Deri para pak vitesh banorët e fshatit Zhitom i merrnin shërbimet shëndetësore në këtë gërmadhë, që tashmë ka dalë jashtë funksionit.

 “Pse mos të vij infermieri këtu në shpi siç e bëjnë në të gjithë vendet e tjera, po ne të ngrihemi nga këtu e të ikim deri në Berat”- tha një tjetër banor.

Ata thonë se në rastet kur kanë nevojë për vizita mjekësore ose për trajtime, detyrohen të shkojnë në Tërpan, zona që i ka nën juridiksion që pas ndarjes së re territoriale edhe pse 80 kilometra larg fshatit të tyre.

‘Do një orë e gjysmë për të ardhur deri këtu. Më mirë na bie në Berat”, shprehet një banor tjetër.

Problemin real, banorët e Zhitomit e shohin tek mungesa e rrugës. E pakalueshme as për makinat e as për njerëzit, zgjidhja në rastet kur u duhet të udhëtojnë është transporti me kafshë.

“Po u sëmurëm, po qe se nuk është makina me kafshë duhet ta çojmë në Berat”- tha një tjetër.

Të izoluar plotësisht, ata bëjnë thirrje për ndërtimin e rrugës dhe të një qendre shëndetësore.

“Ne kemi në radhë të parë problemin e rrugës, i lutemi bashkisë të na ndihmojë të bëj rrugën”,- thotë një zonjë

“Një infermiere që ishte ka ikur”, shprehet një banor.

E pyetur nga Report Tv, Drejtoria e Shëndetit Publik sqaron se situata ka ardhur për shkak të largimit masiv të mjekëve dhe infermierëve. Ndërsa punësimi i tyre bëhet nëpërmjet portalit qeveritar.

Në qendrën administrative Tërpan ku banorët e fshatit Zhitom duhet të marrin shërbimet, mungojnë 3 infermiere dhe një tjetër është drejt largimit.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Aktivisti: 23/02/2023 15:26

    Beni nga 10 Mike likes te aktivisti tu sjellim doktor osé te vdisni me vend me gjilpera lopesh

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kushtetuesja rrëzon 4 familjarët e ish-zv/kryeministrit Ahmetaj dhe bashkëjetueses së tij, SPAK u sekuestroi prova për hetimin! Zbardhet VENDIMI

Kushtetuesja rrëzon 4 familjarët e ish-zv/kryeministrit Ahmetaj dhe bashkëjetueses së tij, SPAK u sekuestroi prova për hetimin! Zbardhet VENDIMI

25 Dhjetor, 20:33