POP 5

Lajmet më të lexuara të 5 minutave të fundit

Kronikë

Fshehu dënimin me katër muaj burg për vjedhje energji, gjykata dënon gardistin për falsifikim

Efektivi i gardës Rr. A nuk kishte deklaruar dënimin e tij në formularin për dekriminalizimin.  

Fshehu dënimin me katër muaj burg për vjedhje energji, gjykata dënon gardistin për falsifikim

Gjykata e Tiranës ka dënuar me 4 muaj burgim një efektiv të Gardës së Republikës, pasi ai nuk kishte vetëdeklaruar në formular një dënim penal për “vjedhje të energjisë elektrike”. Bëhet fjalë për gardistin Rr. A, i cili është deklaruar fajtor dhe dënuar për veprën penale të “Falsifikimit të dokumenteve dhe formularëve”, duke u dënuar me 4 muaj burgim, dënim ky që më pas është konvertuar në 8 muaj shërbim prove.

Në vendimin e saj gjykata e Tiranës, ka caktuar periudhën 8 mujore si kushtin që gjatë kësaj kohe gardisti, të mos kryejë asnjë vepër penale dhe mos shoqërohet me persona të dënuar.

Vendimi është marrë nga gjyqtari Kreshnik Omari, ndërsa prokurori i çështjes ka qenë Julian Zonja. Dosja në prokurori është regjistruar me informacionet e përcjella nga oficerët e Shërbimit për Çështjet e Brendshme dhe Ankesat pranë Ministrisë së Brendshme. Në këto informacione thuhet se:”…pas verifikimeve të kryera për Rr. A, i cili ushtron detyrën trupë shërbimi në Sektorin e Ruajtjes së Banesave në Drejtorinë për Sigurinë e Larta Shtetërore në Gardën e Republikës, rezultoi se Rr.A, sipas vërtetimit Fizik të Personaliteteve të gjendjes gjyqësore ishte i dënuar 16 shkurt 2015, për akuzën e "Vjedhjes së energjisë elektrike ose impulseve telefonike", duke u dënuar me 4 muaj burgim…”.

Nisur nga ky informacion, prokuroria e Tiranës ka argumentuar se Rr.A ka pasqyruar të dhëna të rreme në formularin e vetëdeklarimit, pasi gjykata ka dhënë ndaj tij një vendim dënimi me burgim të formës së prerë, i cili është pezulluar me kusht. Për këtë vendim gardisti ka pasur dijeni, pasi ka qenë i pranishëm gjatë gjykimit, në dhënien e vendimit dhe më pas në ekzekutimin e tij. Gardisti ka deklaruar se këtë lloj dënimi nuk e ka pasqyruar, pasi e ka keqkuptuar pyetjen në formularin e dekriminalizimit, duke mos e konsideruar si dënim me burgim, për faktin se ishte dhënë me kusht dhe më pas ishte amnistuar. Por pavarësisht pretendimeve të gardistit, gjykata e Tiranës, ka vendosur dënimin e tij me 4 muaj burgim duke ja konvertuar në shërbim prove për një periudhë 8 mujore.

G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Jim: 14/01/2020 01:19

    Me te gjithe boten kush nuk ka krahe denohet Ligjet jane per ata te vobektit te pasurit nuk pjerdhin per to!

    Përgjigju
  • David: 13/01/2020 22:05

    Shembulli më i mirë për të kuptuar, që një politikan hajdut vjedh miliona euro nga djersa e popullit dhe nuk i bëjnë as gjyqin si Lulush Flokëlëpiri Bishtdredhuri, e fal gjykata e Sali Berishës (sepse sa të jenë në detyrë gjykatësit e plepave me kurs 6 mujor ky vend s'bëhet kurrë), kurse një qytetar i shkretë si gardisti që paska fshehur dënimin për vjedhje energji dënohet me burg. F@ck Drejtësinë Shqiptare!

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46