Fshehu vdekjen e gruas, Apeli lë në fuqi masën arrest në burg për 56-vjeçarin në Kamzë! Nxiti vetëvarjen e bashkëshortes së tij

Fshehu vdekjen e gruas, Apeli lë në fuqi masën arrest në burg për 56-vjeçarin në Kamzë! Nxiti vetëvarjen e bashkëshortes së tij

Shefqet Lika dhe Shahe Lika

TIRANË- Gjykata e Apelit Tiranë  ka lënë në fuqi masën arrest në burg për Shefqet Likën i cili fshehu të vërtetën për vetëvarjen e bahskëshortes së tij. Ngjarja ka ndodhur më 6 shtator, ku Shahe Lika bashkëshortja e Shefqet Likës u vetëvar brenda banesës së saj në Kamzë. 56-vjeçarit iu caktua masa arrest me burg nën akuzat “Shkaktimi i vetëvrasjes” si dhe “Veprime që pengojnë zbulimin e të vërtetës”.

Shefqet Lika, përballë akuzës për nxitje të vetëvrasjes të nënës së 3 fëmijëve e cila ishte edhe e diagnostikuar me kancer u shpreh para gjyaktës se kishte frikë të denonconte rastin në polici por edhe në familjen e saj.

Dyshimet e policisë se Shefqet Lika ka nxitur me anë  të dhunë fizike e  psikologjike vetëvrasjen e 55-vjeçares u shtuan në momentin që zbuluan se viktima kishte mosmarrëveshje me bashkëshortin por edhe me motrat e tij.

Tre javë më parë se të ndodhte ngjarja viktima për shkak se të dhunës fizike u largua nga shtëpia dhe u shpërngul tek e motra që jetonte gjithashtu në Kamzë, jo shumë larg çiftit. Një ditë para se të vetëvritej ajo u kthye në shtëpinë e saj, ku besohet që pati sherr të fortë me burrin. Mesditën e së dielës u gjet e varur. Shefqeti nuk njoftoi as policinë dhe as familjarët.

Policia dyshon që gruaja e sëmurë shkoi drejt vetëflijimit për shkak të dhunës së vazhdueshme nga bashkëshorti që njihej si alkoolist. Familjarët e saj nuk lejuan që ceremonia mortore të bëhej nga familja e bashkëshortit, ndaj e morën trupin me vete për ta përcjellë nga shtëpia e vajzërisë, ku morën pjesë edhe fëmijët e çiftit e emigrantë.

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Himara 2 ‘kryetarë’ në burg, vendi vakant pas dorëheqjes së Jorgo Goros! Këshilli Bashkiak komandon sot kryebashkiakun e ri

Himara 2 ‘kryetarë’ në burg, vendi vakant pas dorëheqjes së Jorgo Goros! Këshilli Bashkiak komandon sot kryebashkiakun e ri