POP 5

Lajmet më të lexuara të 5 minutave të fundit

Sport

FSHF i hoqi të drejtën e transmetimit të futbollit shqiptar, Oversport: Federata na bëri presione, mungesë transparence

Federata Shqiptare e Futbollit njoftoi sot se ka ndërprerë kontratën me shoqërinë “OverSport” që kishte fituar të drejtat e transmetimit televiziv të futbollit shqiptar.

Federata Shqiptare e Futbollit njoftoi sot se ka ndërprerë kontratën me shoqërinë “OverSport” që kishte fituar të drejtat e transmetimit televiziv të kampionateve “Abissnet Superiore” dhe Kategorisë së Parë, si edhe të Kupës së Shqipërisë e Superkupës së Shqipërisë për sezonet 2022-25.

FSHF tregon se vendimi ka ardhur pas shkeljeve dhe mospërmbushjes së detyrimeve kontraktore në mënyrë të përsëritur nga shoqëria “OverSport”.

Në lidhje me këtë vendim, kompania "Oversport" ka reaguar duke thënë se vendimi ka ardhur si pasojë e presioneve dhe mungesës së transparencës nga FSHF-ja.

"Oversport krejt paparitur është përballur sot me lajmin e publikuar nga Federata Shqiptare e Futbollit në kanalat e saj zyrtare të komunikimit, për ndërprerjen e kontratës mes palëve, kontratë e cila ishte në fazë negociatash. Oversport shpreh shqetësimin se vendimi i marrë nga FSHF është rezultat i mungesës së transparencës në aktivitetet e saj, me presione që nuk janë në përputhje me parimet etike që një institucion i këtij niveli duhet të ndjekë", njofton Oversport.

Në momentin e firmosjes së kontratës FSHF e shpalli si arritje faktin se dyfishoi të ardhurat nga të drejtat e transmetimit, por nuk përmendi kompaninë fituese, ndërsa sot ngërçin ia atribuoi shoqërisë 'Over Sport'. Marrëveshja mes palëve u lidh për 3 sezone, por nuk zgjati më shumë se një.

S.DH/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Cubel breca: 27/06/2023 14:51

    Mir ju behet se me shum nuk punon si aplikacion. Sheh 10 minuta dhe stopon. Ta mar ai qe sherben. Jo se mbroj federaten por bashk beni dallavere,pastaj kur ju prishen interesat ngrini zerin se ju behet padrejtesi.

    Përgjigju
  • Sondazhi i ditës:

    1 maji, a respektohen të drejtat e punëtorëve në Shqipëri?

Lajme të tjera



×

Lajmi i fundit

Përplasje mes protestuesve në Universitetin e Kalifornisë, mbështetësit e Izraelit sulmojnë pro-palestinezët, 15 të plagosur

Përplasje mes protestuesve në Universitetin e Kalifornisë, mbështetësit e Izraelit sulmojnë pro-palestinezët, 15 të plagosur

2 Maj, 08:34