FSHF përgjoi Erion Veliajn, Rama: Ndjej neveri, s'mund të jetë provë! S'kam ndërmend ta dëgjoj

Kryeministri Rama ka reaguar për herë të parë në lidhje me përgjimin që FSHF publikoi për Erion Veliajn. Rama shkruan se 'i neveris përgjimet në ambiente jopublike'. Sipas tij s'mund të jenë provë. Kryeministri deklaron se as nuk ka ndërmend ta dëgjojë atë përgjim. 

"Unë i neveris përgjimet e bisedave mes njerëzve qe flasin në një mjedis jopublik, te cilat sipas meje nuk mund te merren për baze asnjëherë askund, as si prova fajësie as si prova vërtetësie, sepse tjeter konteksti i një komunikimi informal pa dorashka, tjetër konteksti i shfaqjes publike se nje përgjimi, prandaj edhe as nuk e kam dëgjuar fare dhe as kam ndërmend ta dëgjoj, kështu që meqë te dhashë tërë këtë shpjegim tani të lutem plotësoje pyetësorin me opinionet e tua duke klikuar", i përgjigjet Rama një ndjekësi që e pyet në Facebook.

Federata Shqiptare e Futbollit publikoi dje një përgjim të kryetarit të Bashkisë së Tiranës, Erion Veliaj në një bisedë me anëtarët e shoqatës së futbollit Tirana vetëm pak orë para nisjes së punimeve. FSHF e akuzoi për ndërhyrje të politikës në çështjet që i takojnë komunitetit të futbollit. Në këtë takim kryebashkiaku, sipas FSHF-së, me një fjalor banal, i bën presion anëtarëve të shoqatës për të manipuluar zgjedhjet në FSHF, ndërsa mësuesve të edukimit fizik dhe trajnerëve të futbollit të rajonit të Tiranës u ka bërë një listim i të gjithë gjërave që duhet të bëjnë.

I menjëhershëm ishte reagimi i Veliajt, i cili theksoi se FSHF në vend të garantimit të barazisë së garës, ka zgjedhur rrugën e përgjimeve dhe të shantazhit për të ruajtur pozitat e Armando Dukës. Partia Demokratike dhe Presidenti Meta reaguan në mbrojtje të Federatës Shqiptare të Futbollit dhe me akuza ndaj Veliajt.

K.T./Shqiptarja.com

TAG:
• edi rama
• erion veliaj
• pergjimi
• fshf
• skandali ne fshf