TIRANË- Shqipëria dhe Kosova do të jenë së bashku në Bordin e Paqes për administrim e Gazës si shtete anëtare themeluese. Pasi kryeministri Edi Rama iu përgjigj pozitivisht ftesës së presidenti amerikan Donald Trump, Këshilli i Ministrave ka miratuar sot aderimin e Shqipërisë në Bordin e Paqes.

Tashmë do të jetë Kuvendi i cili do të ratifikojë aderimin e Shqipërisë në Bordin e Paqes. Burime pwr gazetaren e Report Tv, Esiona Konomi sqarojnw se marrëveshja do të futet nesër në kalendarin e punimeve të Kuvendit dhe më pas pritet të kalojë në komisione. Vula përfundimtare do t'i jepet marrëveshjes të martën në seancë plenare. 

Të enjten, në Davos të Zvicrës ku ka nisur forumi ekonomik, pritet të zhvillohet ceremonia për Bordin e paqes për Gazën. Presidenti amerikan Trump dëshiron që bordi të ratifikohet zyrtarisht nga liderët botërorë gjatë një ceremonie të posaçme në kuadër të Forumit Ekonomik.

Sipas Agjencisë italiane ANSA deri paraditen e së mërkurës në total për Bordin e paqes janë dërguar 52 ftesa pa marrë parasysh Kosovën. Pjesmarrjen në bord e kanë pranuar 8 shtete, Shqipëria, Argjentina, Hungaria, Kazakistani, Uzbekistani, Maroku, Vietnami dhe Emiratet e Bashkuara arabe.