Komisioni Evropian tha se Greqia ka përmbushur pjesën më të madhe të angazhimeve financiare. Kjo shënon fundin zyrtar të krizës së borxheve që nisi në vitin 2010.Komisioni Evropian njoftoi ndërprerjen e mbikëqyrjes së buxhetit të qeverisë greke. Ky hap shënon fundin e krizës së borxhit të Greqisë, që nisi në vitin 2010, shkaktoi mosmarrëveshje mes Athinës dhe kreditorëve evropianë dhe rrezikoi në një moment madje që Greqia të dilte nga zona euro.
Komisioni tha se Greqia e kishte "përmbushur pjesën më të madhe të angazhimeve politike", prandaj komisioni do t'i japë fund "mbikëqyrjes së zgjeruar" të buxhetit të Greqisë më 20 gusht.
"Si rezultat i përpjekjeve të Greqisë, aftësia e ekonomisë greke për t'u përballur me krizat është përmirësuar ndjeshëm dhe rreziqet e efekteve të përhapura në ekonominë e eurozonës janë zvogëluar ndjeshëm" dhe "mbajtja e Greqisë nën mbikëqyrje të zgjeruar nuk është më e justifikuar," tha Komisioni.
Fundi i një 'kapitulli të vështirë' për Greqinë
Raporti i Komisionit arriti në përfundimin se Greqia ka ndërmarrë hapat e nevojshëm për të arritur angazhimet që kishte marrë ndaj partnerëve të BE-së, pavarësisht nga "rrethanat sfiduese të shkaktuara nga implikimet ekonomike të valëve të reja të pandemisë, si dhe nga agresioni ushtarak i Rusisë kundër Ukrainës".
"Me këtë zhvillim, së bashku me shlyerjen e parakohshme të kredive nga Fondi Monetar Ndërkombëtar dhe heqjen e kufizimeve të kapitalit, merr fundon pas 12 vjetësh një kapitull i vështirë për kombin tonë" - tha ministri grek i Financave Kristos Staikouras. "Greqia po i kthehet normalitetit evropian dhe nuk është më rast përjashtimor në eurozonë”, shtoi Staikouras.
Por edhe pse Greqia është rikthyer në tregjet ndërkombëtare të obligacioneve, vlerësimi i besueshmërisë së vendit për të marrë kredi mbetet nën nivelin e investimeve.Qeveria greke tha se shpreson të rifitojë nivelin e vlerësimit për investime deri në vitin e ardhshëm./DW
Komente
Lajme të tjera
-
Akt sabotazhi në Baltik? BE kërcënon Rusinë me sanksione
27 Dhjetor, 08:16 -
BE: Sanksione të reja ndaj flotës së fshehtë të Rusisë, pas sabotimit të dyshuar të kabullit nënujor
26 Dhjetor, 23:01 -
'Ne blejmë më shtrenjtë se qytetarët e BE', deputetja e PL-së: Shëndeti i shqiptarëve kërcënohet si nga prodhimi vendas dhe ai i importit
26 Dhjetor, 12:40 -
Dosja 'Sky ECC' në Greqi: Çfarë u zbulua për Aleksandër Sadikajn dhe si u transferuan në Spanjë 400 mijë euro nga Denis Grabocka
25 Dhjetor, 18:45 -
Alarm në Greqi, ujërat e zeza të Athinës të ‘mbingopura’ me kokainë! Dyfishohet konsumi i drogës gjatë festave, ulet niveli i COVID-it
25 Dhjetor, 17:15 -
Greqi/ U plagos me thikë pas shpine në sulmin nga 4 persona, kopshtari shqiptar u tregon oficerëve emrin e autorit! Motivi, përleshja tre muaj më parë
25 Dhjetor, 16:55 -
Perëndimi: Vendimet e Parlamentit të Republikës Srpska kërcënojnë rendin kushtetues të Bosnjës
25 Dhjetor, 15:03 -
25 vjet Putin, nga miku në armik
25 Dhjetor, 12:41 -
Rama në darkën me ambasadorët për festat e fundvitit: Shqipëria nuk ka plan B, vetëm anëtarësimin në BE! Presidenti i ri i SHBA-ve sjell mundësi të reja
24 Dhjetor, 18:26 -
Greqi/ Plagoset me thikë pas shpine 50-vjeçari shqiptar, e sulmuan 4 persona! Autorët udhëtonin me makinë dhe motor
24 Dhjetor, 16:06 -
Kryeministri grek: Masa ndaj rrjeteve sociale, por jo bllokime të rrepta
23 Dhjetor, 16:35 -
Bie numri i shqiptarëve me leje qëndrimi në Greqi
23 Dhjetor, 16:14
