POP 5

Lajmet më të lexuara të 5 minutave të fundit

Fundimi e Altini, dy kryeChef-a gatuajnë për bamirësi

Ka një Shqipëri të mirë. Ajo që ka përveshur mëngët e i është futur punës të ndjekë me pasion e modesti ëndrrën e jetës. Nuk janë pak djem dhe vajza që me forcat e tyre kanë krijuar realitete të mrekullueshme. Me buzëqeshje e përkushtim, kanë ngritur “ishuj” pozitiviteti dhe profesionalizmi që urojmë të shtohen sa më shumë mes nesh shqiptarëve, popull në moshë të re e me shumë ambicie e dëshirë për t’u përmirësuar.
Fundimi e Altini, dy kryeChef-a gatuajnë për bamirësi
Ka një Shqipëri të mirë. Ajo që ka përveshur mëngët e i është futur punës të ndjekë me pasion e modesti ëndrrën e jetës. Nuk janë pak djem dhe vajza që me forcat e tyre kanë krijuar realitete të mrekullueshme. Me buzëqeshje e përkushtim, kanë ngritur “ishuj” pozitiviteti dhe profesionalizmi që urojmë të shtohen sa më shumë mes nesh shqiptarëve, popull në moshë të re e me shumë ambicie e dëshirë për t’u përmirësuar.
Fundim Gjepalin, kuzhinierin e talentuar të restorantit Antico Arco të Romës nuk e kam takuar ndonjëherë, njihemi online. Nuk kam shijuar ndonjëherë pjatat e tij, por fjalët e mira, respekti për të nga ata që e kanë njohur, ka mbërritur deri tek unë si një aromë e një pjate të gatuar shumë mirë.
(Në foto: Fundim Gjepali)
Nuk kam qenë ndonjëherë as te Mrizi i Zanave në Fishtë të Lezhës, por ndjek me gëzim çdo postim që bën në Facebook themeluesi dhe pronari i tij Altin Prenga. Kërpudhat e sapombledhura të Pukës, thanat e zonave përreth, produktet dhe ushqimet e shëndetshme me impakt 0 për ambientin, fotot e të cilave Altini i publikon në Facebook të freskëta e të shpejta,  janë një filozofi që duhet të përhapet anembanë Shqipërisë. Altini, pas një periudhe të gjatë emigracioni në Itali, ka sjellë në vendin e tij të lindjes eksperiencën më të mirë ushqimore dhe konceptin e mençur të slow food.
(Në foto: Altin Prenga)
Fundimin nga Roma dhe Altinin nga Fishta në Lezhë do t’i bashkojë një mision fisnik të shtunën e 25 janarit: Do të gatuajnë bashkë në një drekë bamirësie te Mrizi i Zanave në Fishtë të Lezhës dhe do të mbledhin fondet për shoqata të ndryshme shqiptare që japin kurse të gjuhës shqipe vullnetarisht për fëmijët shqiptarë që lindin e rriten në vendin fqinj.
Ja çfarë kanë menduar dy shefat në menynë e tyre  për drekën e bamirësisë së 25 Janarit:
Antipasta
Krem fasulje,gjethe dafine e nerva derri.
Tortë me qepë të kuqe, djath kaçkavall dhe safran.
Pjata të dyta
Vezë, kos, lule lakër dhe tartuf te zi.
Shepkë, patate të lëngështuara në verë të kuqe.
Fileto gici, mjalte pak pikant dhe tortë brokoli.
Embelsira
Gështenja, meringa dhe kakao.
Verë e kuqe Kallmet, Ujë natyral burimi
Çmimi 3500 lek personi
Menuja, është një gërshetim i traditës italiane dhe asaj shqiptare, është studiuar dhe do të përgatitet nga Altin Prenga, pronar i Restorantit Mrizi i Zanave dhe nga Fundim Gjepali, chef i restorantit roman Arco Antico.
Të gjitha fondet e mbledhura nga dreka do të shkojnë tërësisht për blerjen e abetareve dhe librave për shoqatat shqiptare që organizojnë kurse shqipe në Itali.

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Deputetja Xhixho: Dështimin e saj qeveria ia hedh TikTok-ut! Kërkojmë qeveri teknike dhe zgjedhje të lira (VIDEO)

Deputetja Xhixho: Dështimin e saj qeveria ia hedh TikTok-ut! Kërkojmë qeveri teknike dhe zgjedhje të lira (VIDEO)

23 Dhjetor, 18:03