Itali/ Fundjavë e zezë në malet e Lombardisë: Tre të rinj aplinistë të vdekur, 31-vjeçari vdiq në malin San Primo (Como) dhe dy të tjerë në Grignone

Itali/ Fundjavë e zezë në malet e Lombardisë: Tre të rinj aplinistë të vdekur, 31-vjeçari vdiq në malin San Primo (Como) dhe dy të tjerë në Grignone

Foto ilustruese

ITALI - Tre të rinj alpinistë kanë humbur jetën në malet e Lombardisë. Një 31-vjeçar nga Milano u gjet i vdekur në malin San Primo në provincën e Comos. Familja e tij kishte raportuar të premten në mbrëmje si të humbur, por trupi i tij u gjet i pajetë pasditen e së shtunës.  Grupet e kërkim-shpëtimit gjetën trupin e pajetë të 31-vjeçarit në një zonë të rrezikshme në zonën Bellagio, pranë strehës Martina, rreth 1200 metra mbi nivelin e detit. Trupi më pas u dërgua me helikopter në spital, ku nuk dihet ende nëse do kryhet autopsia.

Edhe dy burra nga Bergamo ranë në malin Grignone, në zonën e kanalit perëndimor të Grignës Veriore. Bëhet fjalë për një 39-vjeçar nga Valbrembo dhe një 42-vjeçar nga Almè. Sipas informacioneve të para, pak larg tyre ndodheshin dy alpinistë të tjerë, njëri prej të cilëve shpëtimtar nga CNSA-të, të cilët po udhëtonin në të njëjtën rrugë. Mirëpo, në një moment, pas një kalimi të vështirë, ata i kanë humbur nga sytë dhe kështu kanë kontaktuar menjëherë me urgjencën duke i dhënë detaje për vendndodhjen. Pak ditë më parë ka ndodhur një tjetër aksident me vdekje në zonë.

"Në këtë periudhë kushtet e borës janë anormale sepse ka pak borë dhe forma akulli në pjesët më të ekspozuara të shkëmbinjve. Në veçanti, në Grigna Veriore kanali i Zucchi duket me borë, por mbi të gjitha në pjesën më të lartë kërkohet eksperiencë e madhe, me aftësi të larta dhe mbi të gjitha duhet të vazhdohet i lidhur”, thanë ekspertët.

F.D/A.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Pjesë e një ekipi, Felipe Melo s'kursehet për Dani Alves e Robinho: Duhet të jenë në burg

Pjesë e një ekipi, Felipe Melo s'kursehet për Dani Alves e Robinho: Duhet të jenë në burg