Kryeministri Edi Rama ka dalë sot në një konferencë për shtyp nga Kryeministria dhe ka folur mbi punimet dhe të gjitha kantieret e hapura për furnizimin me ujë të pijshëm.
Rama bëri me dije se falë investimeve brenda vitit 2021 do të ketë 24 orë furnizim më ujë të pijshëm në 52 zona të mëdha urbane dhe në vitin 2022 në mbi 200 zonat rurale më të populluara të vendit
"Shumëkush që ndjek faqen time, që përfaqëson edhe një kategori të opinionit publik ngre pyetje me ironi se si ka mundësi që akoma flasim për ujë të pijshëm kur bota po shkon në Hënë. E vërtetë është kjo në fakt që bota ka shkuar me kohë në Hënë por në sistemet tona të ujit të pijshëm duhet të kemi parasysh një pasqyrë të posaçme në raport me Evropën. Rrjetet janë të ndërtuara në vitet 1960-1970. As në vitet e komunizmit nuk është garantuar furnizimi me ujë 24 orë. As në këto vite nuk është rrjetëzuar një sistem ujësjellësi nga qendra deri në çdo pikë të Shqipëri.
Në 25 vite pas rënies së komunizmit kemi filluar të prekim një sistem furnizimi me ujë ku kemi pasur dhe akoma sot aty ku vazhdon puna ka tubacione të viteve 60-70.
Është një nga 5 kolonat e përcaktuara në objektivat tona. Nuk ka të bëjë thjesht me investimet por edhe me konsolidimet financiare të ndërmarrjeve të ujësjellësit.
Kuadri ligjor dhe rregullator është përmirësuar ndjeshëm. Duhet të shtojmë më tej por duhet të shkojmë më tej për sa i përket të gjithë sistemit të furnizimit me ujë të pijshëm.
Deri tani janë investimet janë 514 milionë euro, nga të cilat 202 milionë janë nga buxheti i shtetit, ndërkohë që pjesë tjetër janë invstime të huaja.
Në vitin 2021 do të alookohen 52 milionë euro dhe investime të huaja 46 milionë euro. Sa i përket ujësjellësve nga trashëgimia nuk vetëm rrjete të degraduara.
Sot që flasim ka 23 zona urbane me 24 ujë furnizim me ujë. Deri në vitin 2021 furnizimi do të jetë një realitet për të gjitha zonat urbane të Shqipërisë, duke përfshirë që nga Laçi në Kavajë, që nga Fushë-Krujë në Berat e me radhë. Tirana është një histori në vetë ku ka një rritje të furnizimit me ujë të pijshëm, nga 7 orë furnizim mesatarisht,sot vetëm Bovilla furnizon 16 orë në ditë kryeqytetin.
Në rang vendi mesatarja e Shqipërisë ishte rreth 10 orë në ditë dhe do të arrijmë në 15 orë. Për më shumë, 7 vite më parë vetëm 59.1 përqind kishin akses në një burim uji të pijshëm përmes rrjetit, pra në shtëpi, dhe sot jemi në 75.8 përqind. Në 2021 po të kemi 85.6 përqind të popullsisë me akses për ujë të pijshëm.
128 kantiere janë në punë tani që flasim pavarësisht të gjithë faktorëve të ndryshëm. Këto janë burime të reja ekonomie për të ardhmen e familjes dhe të vendit. Është njësoj si një familje e cila në kushtet e përballjes me masa shtrënguese ka nevojë të mbyllet por edhe të punojë. çdo shtëpi duhet të vazhdojë të punojë në mënyrë që të garantojë të ardhurat. Vetëm kështu do të kemi më shumë të ardhura", tha Rama në fjalën e tij.
Gjatë prononcimit të përjavshëm të kryeministrit Rama mbi ekonominë nuk kanë munguar batuta nga ky i fundit. I pyetur nëse e konsumon ujin e pijshëm në shtëpinë e tij, Rama e pohoi.
Ndërkohë që shumë banorë ankohen për cilësinë e ujit të rrjetit, Rama tha se e lan djalin e tij të vogël, Zahon dy herë në ditë me atë ujë.
"Që unë e pi ujin në banesën time këtë mos keni asnjë dyshim. Tirana aktualisht ka një rritje shumë të ndjeshme të furnizimit me ujë në mesataren e vetë. Ka disa zona që janë 24 orë ndërsa disa zona jo. Ka një rritje të mesatares. Po kështu mund të them dhe Durrësin. Sot kemi një rritje të ndjeshme të furnizimit. Dy herë në ditë, në mëngjes dhe darkë. Nuk di se ku gjendet uji tjetër, nuk e laj Zahon me ujë shiun. Prisni datën 25 prill dhe do të shihni sa i besueshëm jam unë" - tha Rama.
Kryeministri Rama ka folur për herë të parë mbi hetimin e SPAK pas akuzave të PD-së ndaj deputetit Ervin Bushati për fshehjen e pasurisë.
Ai deklaroi se PS nuk do të jetë mburojë e askujt dhe se përgjegjësia brenda kësa partie është individuale.
"PS ka një ndryshim të madh nga partia e syrit që mendojnë vetëm për sy e për faqe. Qëllimi është i përbashkët, përgjegjësia individuale. PS nuk do të bëhet mburojë e hetimeve të individëve. Mos kini merak në këtë aspekt. Kur dikush merr një detyrë në PS, përgjegjësia është individuale. Kapërcimi i vijës ndarëse të qëllimit të përbashkët me atë individuale " - tha Rama.
Duke folur në deklaratë për mediat, Ministrja e Infrastrukturës, Belinda Balluku deklaroi se në vitin 2013 vetëm qyteti i Korçës furnizohej 24 orë me ujë.
Ajo premtoi se në vitin 2021, mbulimi me ujë të pijshëm do të jetë mbi 21 orë.
"Deri në fund të mandatit të dytë ne do të kemi investuar 686 mln euro për furnizim me ujë të pijshëm për zonat urbane. Investimet shkojnë së bashku me nivelin e faturimit. Ne kemi shumë kantiere të cilat do të mbyllen dhe më pas do të hapen të reja. Kantieret e para do të mbyllen përpara pranverës së 2021. Nga viti 1991 deri në 2013 janë bërë shumë investime ndërsa vetëm Korça furnizohej 24 orë me ujë. Gjatë prezantimeve që kemi bërë, ne kemi qenë të fokusuar tek uji, por një pjesë e rëndësishme janë kanalizime. Mbulimi me ujë të pijshëm në 2013 ishte 11 orë ndërsa në fund të 2021 me përfundimin e kantiereve të hapura, kjo do të jetë mbi 21 orë. Ne kemi dyfishuar kohën e furnizimit me ujë" - tha Balluku.
Komente
Lajme të tjera
-
Ylli Pata: Legjendat elektoralo-amerikane të Sali Berishës
25 Dhjetor, 20:00
-
Berisha me gratë demokrate të LDG: Kjo është qeveria e Luciferit, 13 km rrugë për të vjedhur 14 herë! Ministret e Ramës pa forcë morale
25 Dhjetor, 19:13 -
Ben Andoni: PD-ja përballë protestave, por pa publikun?!
25 Dhjetor, 18:53
-
'Erdhi në jetë bebushi i parë', Rama: Krishtlindja këtë vit nisi me një mrekulli të vogël
25 Dhjetor, 12:33 -
'Gëzuar Krishtlindjet', kartolina e krerëve të shtetit, politikës e ndërkombëtarëve për të krishterët! Begaj: Të reflektojmë mbi vlerat më të larta të njerëzimit
25 Dhjetor, 08:09 -
Akuzat e opozitës për mbylljen e TikTok! Rama fiton garën me fansat, 2 milionë pëlqime! Berishën e mund edhe Arlind Qori
24 Dhjetor, 19:58
-
'Thuhet lart e poshtë ‘ai fiton, se opozita është e dobët!’ Rama 'thumbon' kritikët: Ka një arsye kryesore për fitoret e mia...!
24 Dhjetor, 19:53 -
Rama me ambasadorët: Do doja që karrigia e Federatës Ruse të mos ishte bosh, viti tjetër sjelltë paqe në Ukrainë dhe Lindjen e Mesme!
24 Dhjetor, 19:15 -
Rama në darkën me ambasadorët për festat e fundvitit: Shqipëria nuk ka plan B, vetëm anëtarësimin në BE! Presidenti i ri i SHBA-ve sjell mundësi të reja
24 Dhjetor, 18:26 -
Kryeministri Rama ndan medaljet për 188 nxënës ekselentë: Jeni heronjtë e mi, ju kam zili! Manastirliu: Kini guxim të ëndërroni
24 Dhjetor, 11:59 -
Festat e fundvitit, fëmijët dhe prindërit e skuadrës së kryeministrisë festojnë së bashku
24 Dhjetor, 08:19 -
Çiklizëm/ 'Giro d’Italia' 2025 fillon nga Shqipëria me tre etapa, Rama: Garohet në Tiranë, Durrës dhe Vlorë! Ndiqet nga 800 milionë njerëz (Itinerari)
23 Dhjetor, 13:07
Ne 2021 ne Shqiperi nje individ i peshtire si ky do fitoje zgjedhjet me premtime per uje e drita .Vertet jemi nje popull per te ardhur keq , na vjedhin e na tallin .Pse mos te tallet ky kur perballe ka me keq se vetja , nje hajdut ordiner e batakci injorant si Lylezimi .
Përgjigju