Një 20-vjeçar është plagosur mesditën e sotme në Fushë Krujë. Burime nga policia bëjnë me dije se 20 vjecari Gerti Ujka është qëlluar me thikë nga një bashkëmoshatar i tij.

20-vjeçari është dërguar me urgjencë në spitalin Ushtarak në Tiranë dhe gjendet në sallën e reanimacionit pasi ka pësuar dëmtime në bark.

Mjekët bëjnë të ditur se gjendja e tij shëndetësore është serioze.

Në lidhje me këtë ngjarje policia ka shoqëruar 5 persona të cilët po merren në pyetje për të zbardhur ngjarjen.