Fushata për Dibrën, Basha
shmang ish-ministrat e Berishës
Politika e Tiranë është zhvendosur në Dibër për sfidën e 11 Shtatorit. Kryefjala e premtimeve të të dy kampeve është Rruga e Arbrit. Kryeministri Edi Rama është përbetuar se nuk do dalë nga zyra pas bërë Rrugën e Arbit. Nga ana tjetër, Partia Demokratike, pasi e premtoi gjatë 8 viteve të pushtetit, thotë se Rrugën e Arbrit do ta bëjë Lulzim Basha kur të bëhet kryeministër.
Politika e Tiranë është zhvendosur në Dibër për sfidën e 11 Shtatorit. Kryefjala e premtimeve të të dy kampeve është Rruga e Arbrit. Kryeministri Edi Rama është përbetuar se nuk do dalë nga zyra pas bërë Rrugën e Arbit. Nga ana tjetër, Partia Demokratike, pasi e premtoi gjatë 8 viteve të pushtetit, thotë se Rrugën e Arbrit do ta bëjë Lulzim Basha kur të bëhet kryeministër. Sa i takon rezultatit, shumica në pushtet po tregohet e përmbajtur në deklarata, madje kryetari i LSI e ka konsideruar garën një çështje lokale. Ndërkaq, opozita shprehet se sigurt për fitoren, por në të njëjtën kohë po përgatit terrenin për justifikimin e një humbje të mundshme. Ankesat nisin që nga prezenca e Arben Ndokës në Dibër e deri tek presioni ndaj mësuesve, duke demostruar pasiguri dhe nervozizëm para votimit. Po ashtu, të dy palët kanë angazhuar funksionarët më të lartë në fushatën për Dibrën, që nga kryetarët e partive, deputetët dhe ministrat. Madje, kryetari i opozitës, Lulzim Basha, prej dy ditësh ka zbarkuar në Dibër, duke marrë pjesë në çdo aktivitet të Sherefedin Shehut. Në fushatën e demokratëve, bie në sy edhe shmangia e fytyrave të ish-ministrave të Sali Berishës, me sa duket për të evituar një impakt negativ që mund të prodhojë dalja e tyre në publik. Ish-ministrat janë evituar jo vetëm nga përzgjedhja e kandidaturës, por po mbahen larg fushatës së Sherefedin Shehut për Dibrën. Shmangia e tyre mund të lexohet edhe si një sinjal i Lulzim Bashës për listën e kandidatëve për deputetë në zgjedhjet e 2017, listë e cila pritet të dominohet nga një rreth i ri në PD. Disa javë më parë, ndaj ish-ministrave shpërtheu befas edhe Ervin Salijani, i konsideruar si prurje e Bashës. Larg fushatës po qëndrojnë edhe Eduard Selami, Jozefina Topalli, Majlinda Bregu, Astrit Patozi etj., të cilët kanë kritikuar mënyrën se si Basha po e drejton PD.
Basha në fushatëKandidati për kryetar bashkie në Dibër, Sherefedin Shehu, së bashku me kryetarin e Partisë Demokratike, Lulzim Basha zhvilluan një takim me të rinjtë në Peshkopi. Krijimi i kushteve për arsimim dhe mundësive për punësim, sipas PD, janë prioritet i Sherededin Shehut. Mes të rinjve, z. Shehu tha se që në moshën 22 vjeçare ka punuar me të rinj dhe sot të rinjtë janë energjia që do të mundësojnë realizimin e projekteve të tij. “Ju na jepni zemër. Ju jeni dëshmia që fitorja vetëm pret datën 11. Edi Rama ka thënë që unë jam pak i vjetër, por fatmirësisht unë jam rritur me rininë. Që në moshën 22 vjeçare unë kam qenë profesor. Ju do të jeni pjesa e ndryshimit të qytetit. Unë do t’u mbështes që të shkolloheni ashtu siç e meritoni ju edhe Dibra. Dibra është vendi me pasuri intelektuale. Dibra është vendi me një trashëgimi të madhe dhe kësaj pasurie ne do ia rrisim vlerat duke sjellë investime në Dibër. Flasim për investime private. Ne do të krijojmë një vizion të ri, por realizimi i tyre kërkon energji dhe atë energji do e marr tek ju. Ju do të jeni energjia e realizimit të projekteve të zhvillimit të Dibrës”, tha Shehu. Ndërsa, kryetari i Partisë Demokratike, Lulzim Basha theksoi se rinia është pararendëse e fitores së PD-së në Dibër dhe gjithë Shqipërinë. Ashtu si në vitet 90, edhe sot është detyrë e rinisë të largojë të keqen dhe t’ua kthejnë Dibrën, dibranëve.
Redaksia Online
l.q/Shqiptarja.com
Sondazhi i ditës:
PD paralajmëron protesta, bllokim rrugësh e kaos në Kuvend, si e vlerësoni?
-
Të drejtë
23%
-
Të gabuar
68.6%
-
Nuk e di
8.4%
Vota total: 1976
Votat totale janë unike
Lajme të tjera
-
Spitali i ri ditor në QSUT, Rama: Lehtësohet fluksi në spitalin qëndror
30 Shtator, 15:01
-
Kryeministri serb: Sulmi në Banjskë nuk duhet të ndodhte
30 Shtator, 14:50
-
SKEDA/ Kush është Ilir Proda, i propozuar për drejtor të Policisë së Shtetit! Dhjetë vite me ngjitje, nga shef i Komisariatit nr. 2, në kryepolicin e Elbasanit
30 Shtator, 14:45
-
Papa Françesku dënon ashpër abortin e fëmijëve: Mjekët që e kryejnë këtë procedurë janë vrasës
30 Shtator, 14:26
-
‘Muaji vendimtar i vitit’ Ndryshime drastike në Tetor /Jorgo Pulla paralajmëron, vëmendje!
30 Shtator, 14:24
-
Uragani ‘Helene’ në SHBA/ Rritet bilanci i viktimave, 90 të vdekur, miliona shtëpi pa energji elektrike
30 Shtator, 14:13
-
Gara për kreun e ri të Policisë së Shtetit, ministri i Brendshëm propozon Ilir Prodën! Emri në zyrën e kryeministrit Rama
30 Shtator, 14:04
-
Basha ngre çështjen 'Salianji' në Këshillin e Europës në Strasburg: Të çojmë përpara vetting-un në politikë, të bllokuar nga mazhoranca
30 Shtator, 13:59
-
NATO dislokon trupa në Kosovë dhe Maqedoni të Veriut: ARF-ja do ofrojë mbrojtje në skenare të ndryshme!
30 Shtator, 13:58
-
Studimi: Gjumi i pakët në shtatzëni mund të lidhet me rrezikun e lartë të zhvillimit të vonesave tek fëmijët
30 Shtator, 13:38
-
Gati aplikimi për Vjosën si pjesë e UNESCO-s, Kumbaro: Krenarë për gjithë punën e bërë, një kontribut i gjithë shoqërisë shqiptare
30 Shtator, 13:31
-
Gjukanoviçi merr shumicën e votave në Podgoricë, mbetet i paqartë formimi i pushtetit vendor në kryeqytetin e Malit të Zi
30 Shtator, 13:22