Incident në Fushë-Krujë/ Një votues godet me grusht komisionerin e opozitës, policia: Shpallet në kërkim! Rithemelimi: 3 veta e tërhoqën zvarrë

 

Një incident ka ndodhur në Qendrën e Votimit 1302-1 në Fushë-Krujë. Policia njofton se një votues ka dhunuar komisonerin e opozitës Ilir Hyka. Sipas njoftimit, votuesi E.k., ka debatuar me komisionerin dhe më pas e ka goditur me grusht dhe është larguar. Policia po punon për kapjen e tij.

Por, ndërkohë opozita pretendon se Ilir Hyka është goditur nga tre persona të paidentifikuar që janë futur në qendrën e votimit dhe e kanë tërhequr zvarrë nga karrigia duke e nxjerrë jashtë. Kandidati i koalicionit Meta-Berisha, Agron Loka tha në një deklaratë për mediat se bandat e regjimit ja

“Bandat e regjimit të tmerruar nga humbja kanë dhunuar komisonerin e opozitës duke treguar edhe njëherë standardin e tyre të dhunimit të zgjedhjeve. Tmerri që i ka kap dhe i ka kapluar bandat e bashkisë dhe të qeverisë është shumë i madh. Arsye që është dhunuar, është marrë zvarrë nga karrigia e pozicionit, është nxjerrë zvarrë jashtë nga 3 persona që s’kanë lidhje fare me qendrën e votimit. Kjo është shumë e rëndë”, tha kandidati i koalicionit Meta-Berisha.

Lajmi kryesor:

Zgjedhjet e 14 majit, 35 incidente në disa qytete gjatë votimeve! Boçi e Noka hynë në disa qendra të votimit në Elbasan! Probleme edhe në Durrës, Kavajë, Dibër, Kamzë, Fier e Korçë

SI.E./KT/Shqiptarja.com

TAG:
• Durres