POP 5

Lajmet më të lexuara të 5 minutave të fundit

Kronikë

Fushë-Krujë, furrat e gëlqeres nuk
mbyllen, s'zbatohet vendimi i Kokës

Ka 10 dite që ministri i Mjedisit ka nxjerrë urdhrin për mbylljen e menjëhershme të të gjitha furrave në rrethin e Krujës. Por, në fakt, furrat vazhdojnë punën normalisht.
FUSHË-KRUJË - Ka 10 dite që ministri i Mjedisit ka nxjerrë urdhrin për mbylljen e menjëhershme të të gjitha furrave në rrethin e Krujës.

Ky vendim u prit mjaft mirë nga gjithë opinioni në këtë rreth, por pati edhe të tjerë, që u treguan mosbesues në zbatimin e tij. Në fakt, furrat vazhdojnë punën normalisht dhe vendimi nuk ka gjetur zbatim.

Ato si gjithmonë vazhdojnë të përdorin si lëndë djegëse goma makinash, mbetje plastike, si edhe mbetje teknologjike të fabrikave të këpucëve, që ushtrojnë aktivitetin e tyre në këtë rreth, madje duke importuar edhe nga rrethe të tjera.

Siç është theksuar dhe më parë djegia e tyre çliron gazra tepër helmues dhe kancerogjenë si pasojë e të cilëve një përqindje e lartë e banorëve të këtij rrethi vuajnë nga sëmundjet e mushkërive, sëmundje të zemrës, të qarkullimit të gjakut etj...

I pyetur për moszbatimin e urdhrit të ministrit të Mjedisit për mbylljen e furrave, kryetari i bashkisë së Fushë-Krujës, Gjon Bardhi thotë se po shikojmë se çdo të bëjmë dhe po mendojmë që të lëmë në punë ato furra, që do punojnë vetëm me dru.

Por në fakt kjo do të sillte abuzime, pasi një gjë e tillë ndodhi edhe në vitin 2007, ku u mor i njëjti vendim nga qeveria e atëhershme, madje u zhvillua edhe një aksion i madh, ku u shembën të gjitha furrat, por pas një muaji ato u rindërtuan dhe puna filloi si më parë dhe ndotja nga tymi, bloza mbuloi jo vetëm Krujën e Fushë-Krujën, por edhe Tiranën.

Mendimi që po qarkullon për të lejuar punën e furrave vetëm me dru është jo vetëm abuziv, por edhe i dëmshëm për shëndetin dhe ekonominë për këto arsye: gjatë djegies guri gëlqeror çliron jo vetëm dioksid karboni{Co2}, por edhe oksid karboni {Co}, që është një gaz tepër helmues, por dhe nëse do lejoheshin këto furra të punonin me dru vetvetiu lind pyetja, se ku do merren këto dru dhe është e rëndësishme të theksojmë se gjatë këtyre 20 vjetëve janë këto furra që çfarosën 1000 hektarë pisha nga Miloti e deri në Krujë.

Redaksia Online
(mag/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Aksident i rëndë në Lezhë, ‘Audi’ humb kontrollin dhe merr para 5 mjete të parkuara! Plagoset drejtuesi

Aksident i rëndë në Lezhë, ‘Audi’ humb kontrollin dhe merr para 5 mjete të parkuara! Plagoset drejtuesi

11 Janar, 07:40