FUSHË KRUJË- Një 34-vjeçar është gjetur i vrarë mëngjesin e sotëm në Fushë-Krujë. 34-vjeçari është identifikuar si Indrit Ndoj dhe kishte në këmbë një plagë me armë zjarri. Ndoji është gjetur këtë mëngjes nga familjarët e tij në një kanal të zonës, në lagjen “Bakishe Visha”. Familjarët e gjetën të vdekur rastësisht teksa kishin dalë për të shkuar në punë.
Ndoji dhe familja e tij nuk raportohet të kenë konflikte, por ende mbeten të paqarta rrethanat sesi ka ndodhur kjo ngjarje. Ngjarja dyshohet të ketë ndodhur gjatë natës, pasi i riu banonte në një shtëpi në fshatin Hasan i vetëm, ndërsa familja në një banesë në lagjen Bakushe Visha.
Familjarët dyshojnë se 34-vjeçari është vrarë në një vend tjetër, por autorët më pas e kanë hedhur në kanalin në lagjen “Bakishe Visha” për të zhdukur gjurmët. Familjarët nuk pranuan të prononcohen për kamerën, por i thanë Report Tv se Ndoj udhëtonte gjithmonë me biçikletë, e cila nuk ndodhet në vendngjarje.
Por nga ana tjetër, burime pranë Policisë bëjnë me dije se këqyrja e vendit të ngjarjes dyshohet se vrasja ka ndodhur aty. Grupi hetimor është ende duke kryer hetime, ndërsa gëzhoja e plumbit nuk gjendet në vendin e ngjarjes. Viktima ka vetëm një plagë plumbi në kofshë. Plumbi i ka kapur arterien femurale duke i shkaktuar gjakderdhje të shpejtë, çka i ka sjellë edhe vdekjen.
I njëjti burim bën të ditur se nga tërësia e hetimit të kryer deri më dije është dalë në konkluzionin se kemi të bëjmë me një vrasje për motive të dobëta, pasi nuk raportohet që ai të ketë hasmëri apo probleme me njeri përpos të kaluarës së tij që lidhet me trafik klandestinësh.
Polica ka marrë në pyetje banorë dhe të afërm të të riut për të zbuluar me që banojnë në një perimetër 5 km nga vendi i banimit të Ndojit, për të zbardhur më shumë detaje.
Në vitin 2021, Ndoj është arrestuar në parë për kalim të paligjshëm të emigrantëve. Ndoj bashkë me një tjetër të ri, Enea Babasi janë kapur duke transportuar 19 emigrantë të paligjshëm drejt vendeve të BE-së, kundrejt pagesës. Ndoji ishte duke vuajtur dënimin për trafikimin e emigrantëve të paligjshëm. Atij i ishte caktuar masa arrest shtëpie.
Në vendin e ngjarjes ndodhet grupi hetimor dhe nën drejtimin e Prokurorisë për sqarimin e rrethanave të ngjarjes.
Detaje të reja kanë dalë nga vrasja e 34-vjeçarit Indrit Ndoj në Fushë-Krujë. Burime nga Policia bëjnë me dije se plumbi i ka kapur arterien femurale duke i shkaktuar gjakderdhje të shpejtë, çka i ka sjellë edhe vdekjen. Viktima ka vetëm një plagë plumbi në kofshë. Nga këqyrja e vendit të ngjarjes mendohet se vrasja ka ndodhur aty. Por grupi hetimor është në proçes. Ende nuk janë gjetur gëzhoja në vendin e ngjarjes.
Ekspertiza balistike do të përcaktojë llojin e armës me të cilën është qëlluar. Burimi i policisë bën të ditur se nga tërësia e hetimit të kryer deri më dije është dalë në konkluzionin se kemi të bëjmë me një vrasje për motive të dobëta. Veç këtyre janë marrë në pyetje banorë e të njohur të tij që banojnë në një perimetër 5 km nga vendi i banimit.
Ndërkohë agjentë të policisë kriminale të komisariatit të Krujës, të Drejtorisë së Policisë së Qarkut të Durrësit ndodhen në terren me qëllim zbardhjen e ngjarjes. Hetimet po i drejton Prokuroria e Krujës.
Report Tv mëson se i riu i cili u gjet i vrarë në një kanal ishte duke vuajtur dënimin për trafikimin e emigrantëve të paligjshëm. Indrit Ndoj i ishte caktuar masa arrest shtëpie për arrestimin e 19 shtatorit të 2021 për trafikimin e emigrantëve të paligjshëm.
Ky është 34-vjeçari Indrit Ndoj i cili u gjet i vrarë mëngjesin e sotëm në një kanal në Fushë Krujë. Report Tv ka siguruar foton e 34-vjeçarit, i cili u gjet nga familjarët mëngjesin e sotëm pa shenja jete.
Sipas familjarëve të cilët nuk pranuan të prononcoheshin para kamerës, Indrit Ndoj lëvizte gjithnjë me biçikletë gjë që i bën të mendojnë se ai mund të jetë vrarë diku tjetër dhe është hedhur aty pasi biçikleta nuk është në vendngjarje.
Paraprakisht dyshohet se ngjarja e rëndë ka ndodhur nga ndonjë konflikt i çastit pasi i riu nuk raportohet të ketë konflikte apo hasmëri. E kaluara e tij lidhet ka zbuluar një arresim për trafik të emigrantëve të paligjshëm në shtator të vitit 2021.
Të tjera detaje tronditëse kanë dalë në dritë nga vrasja e 34-vjeçarit Indrit Ndoj në Fushë-Krujë. Report Tv mëson se familjarët e tij e gjetën në një kanal anës rrugës teksa ishin duke shkuar për në punë. Rastësisht ata kanë parë familjarin e tyre në kanal me një plagë plumbi në këmbë. Indriti dhe familja e tij nuk raportohet të kenë konflikte me njeri.
Ngjarja dyshohet të ketë ndodhru gjatë natës pasi i riu banonte në një shtëpi në fshatin Hasan i vetëm ndërsa familja në një banesë në lagjen Bakushe Visha.
Komente
Lajme të tjera
-
Pushimet e shqiptarëve për festat e fundvitit, agjentja turistike për Report Tv: Vjena e Budapesti të preferuara! Egjipti më i vizituari këtë vit
25 Dhjetor, 15:50 -
Kremtohet Krishtlindja në Durrës, besimtarët e krishterë luten për paqe dhe mirësi
25 Dhjetor, 10:27 -
Sondazhi i Report Tv/ PS fiton Tiranën me 18 mandate, PD 11! 8 deputetë nga partitë e reja! Në Durrës socialistët fitore të thellë, marrin dhe Dibrën e Lezhën! Garë e fortë në Shkodër
25 Dhjetor, 07:51 -
Durrës/ Kamioni përplas për vdekje 40-vjeçarin me biçikletë në rrugë, shoferi arratiset nga vendngjarja! Bllokohet mjeti, identifikohet viktima (VIDEO+FOTO)
24 Dhjetor, 17:32 -
Miratohet buxheti i bashkisë së Durrësit për 2025/ Anëtari i PD-së del nga rreshti, ja çfarë parashikon
24 Dhjetor, 16:34
-
Porti i Durrësit, rinis udhëtimi i trageteve
24 Dhjetor, 13:08 -
Moti i keq në Durrës, ishte ankoruar në portin e peshkimit, fundoset peshkarexha ‘Gimi dhe Geri’
23 Dhjetor, 14:40 -
Moti i keq/ Pezullohet lundrimi i trageteve Durrës-Bari e anasjelltas, në Vlorë trageti mbetet në radë! Rruga e Arbrit e pakalueshme
23 Dhjetor, 13:45 -
VIDEOLAJM/ Dy tragete përplasen në kalatën e portit të Durrësit, shkak moti i keq! S'ka të plagosur
23 Dhjetor, 13:01 -
E përditshmja britanike 'Sunday Times': 10 vendet më të mira për t’u vizituar në Shqipëri
23 Dhjetor, 09:52 -
Krujë/ U denoncua i zhdukur nga familjarët, gjendet pas 23 ditësh pa jetë 57-vjeçari Edmond Veseli
22 Dhjetor, 16:08
-
Nata e ndërrimit të viteve në Durrës, bullgarët e polakët kryesojnë rezervimet në hotele! Operatori turistik: Çmimet u rritën me 10%
21 Dhjetor, 11:37
Gezhoja eshte e fishekut analfabete.
Përgjigju