POP 5

Lajmet më të lexuara të 5 minutave të fundit

Kronikë

Fushë-Krujë/ Ndihmoi autorin që hodhi në erë me tritol lokalin ‘Brazili i vjetër’, arrestohet 41-vjeçari! (EMRI)

Policia e Tiranës njoftoi sot se ka arrestuar bashkëpunëtorin e autorit që vendosi një sasi tritoli dhe hodhi në erë më 31 Janar të këtij viti në Fushë-Krujë, lokalin ‘Brazili i vjetër’. Vijojnë kërkimet për kapjen e autorit kryesor, Mirgen Zalla, i largua nga vendngjarja me makinën e mikut të tij

Krujë- Policia e Tiranës njoftoi sot (10 Shkurt) se ka arrestuar bashkëpunëtorin e autorit që vendosi një sasi tritoli dhe hodhi në erë më 31 Janar të këtij viti në Fushë-Krujë, lokalin ‘Brazili i vjetër’, në pronësi të Bledar Talit.

I arrestuari është Mondi Topalli, 41 vjeç, teksa vijojnë kërkimet për kapjen e autorit kryesor, Mirgen Zalla.

Sekuestrohen armë gjahu, armë sportive dhe municion luftarak.

Nga pamjet filmike të kamerave të sigurisë, të transmetuara edhe nga Report TV,  u fiksua i dyshuari Zalla teksa vendoste dy pako eksplozivi në murin e subjektit, teksa mbante kapuç dhe kapele për të mos u identifikuar.

Ndërkohë nën hetim është vënë edhe babai i 41 vjeçarit personi me inicialet G. T., pasi pas kontrolleve të bëra në banesë iu gjet një armë gjahu dhe fishekë pa leje. Shkak dyshohen konfliktet e vjetra mes personave.

Njoftimi i Policisë së Tiranës:

"Vijojnë hetimet intensive për zbardhjen dhe dokumentimin e plotë ligjor të ngjarjes me datë 31.01.2025, ku u dëmtua me lëndë plasëse, fasada e një lokali në Fushë Krujë.

Si rezultat e hetimeve të thelluara  identifikohet autori kryesor i vendosjes së lëndës eksplozive dhe vijon puna për kapjen e tij. Po në vijim të punës, është kapur dhe vënë në pranga 41-vjeçari i shpallur në kërkim më parë për këtë ngjarje.

Nga hetimet rezultoi se 41-vjeçari është bashkëpunëtor i autorit kryesor të ngjarjes. Sekuestrohen armë gjahu, armë sportive dhe municion luftarak.

Si rezultat i veprimeve hetimore dhe operacionale të kryera me qëllim zbardhjen dhe dokumentimin e plotë të ngjarjes së ndodhur me datë 31.01.2025, ku u dëmtua me lëndë plasëse, fasada e një lokali në Fushë Krujë, kanë bërë të mundur identifikimin dhe shpalljen në kërkim të autorit të ngjarjes shtetasin M. Z., 40 vjeç si dhe kapjen dhe ndalimin e shtetasit M. T., 41 vjeç, i identifikuar si bashkëpunëtori i shtetasit M. Z. 

Shtetasi M. Z., dyshohet se ka vendosur lëndën plasëse në lokalin e shtetasit B. T., dhe më pas është larguar nga vendi i ngjarjes me automjetin e shtetasit M. T.  Gjatë kontrollit të banesës së shtetasit M. Z., shërbimet e Policisë kanë gjetur e sekuestruar një armë gjahu pa leje, një armë sportive dhe municion.

Shërbimet e Policisë po punojnë për kapjen e shtetasit M. Z. Materialet procedurale iu referuan Prokurorisë së Tiranës, për veprime të mëtejshme".

A.Q/I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 20 Mars, 10:18

    Nisin kualifikueset e Botërorit, si del Angli-Shqipëri?

Lajme të tjera



×

Lajmi i fundit

‘Tradhtarë, mosmirënjohës’ / Rama nga Njësia 2 tregon të pathënat kur kandidoi për herë të parë në parti: Mora vetëm 40 vota, dy vite isha ‘black out’

‘Tradhtarë, mosmirënjohës’ / Rama nga Njësia 2 tregon të pathënat kur kandidoi për herë të parë në parti: Mora vetëm 40 vota, dy vite isha ‘black out’

20 Mars, 23:26