Fustani me lëkurë gjarpri i  
Beyonce bllokohet në doganë

Mund tju duket çudi po është e vërtetë.

Një prej fustaneve të divës me famë botërore Beyonce është ndaluar në doganë.

Fustani i përbërë nga lëkura e një kobre, i planifikuar për tu veshur në një nga koncertet e këngëtares gjatë turit të saj botëror është bllokuar në doganën portugeze dhe rrezikonte që të mos arrinte në kohën e duhur për koncertin.

Beyonce ndoshta nuk është me dije në lidhje me këtë gjë, por ekziston një ligj evropian që ndalon importimin e kafshëve ekzotike ose veshjet me lëkurën e tyre pa një autorizim përkatës.

Ose ndoshta Beyonce është në dije për ligjin, por nuk di që fustani i ideuar nga Rubin Singer është bërë nga lëkura e gjarpërit.

Sipas mediave të huaja kur pako me veshjet e Beyonce mbërriti në Portugali për tu veshur gjatë koncertit të saj u bllokua ë doganë.

Kjo gjë nuk ka qenë problem kur pakoja është nisur nga Nju Jorku, por sapo ka mbërritur në Evropë ka rënë menjëherë në sy veshja në ngjyrë argjendi.

Më pas identifikimi i lëkurës së rrallë të kobrës, me të cilën ishte bërë fustani ka bërë që policia të kërkojë një autorizim.

Fustani është bllokuar për orë të tëra në doganë duke rrezikuar që të mos mbërrinte në kohë për koncertin e saj në Lisbonë.

Më pas stafi i saj është angazhuar menjëherë për të siguruar dokumentat e duhura, duke bërë të mundur që fustani të mbërrinte në kohë në destinacion.



(b.t/shqiptarja.com)